Žanaty mužčyna byŭ z Sabalenkaj u Štutharcie, i jamu možna joj kłaści ruku nižej za taliju
Arynu Sabalenku znoŭ pabačyli ź nieviadomym mužčynam. Jon dazvoliŭ sabie davoli intymnyja svavolstvy ŭ adnosinach da spartsmienki, što i pryciahnuła ŭvahu žurnalistaŭ «Trybuny».
Na minułym tydni Aryna Sabalenka na adzin z treninhaŭ u Štutharcie, dzie prachodziŭ turnir WTA, pryjechała ŭ kampanii mužčyny. Jon spačatku čakaŭ, pakul spartsmienka adpracuje zaniatki, a potym jany razam syšli ŭ abdymkach.
Spadarožnikam druhoj rakietki śvietu ŭ toj dzień akazaŭsia Fabijana Dzaneci Mańjani — kačok i pradprymalnik, jaki žyvie ŭ Brazilii i zjaŭlajecca suŭłaśnikam kampanii Oakberry, čyja śpiecyjalizacyja — karysnaja ježa.
U Štutharcie Sabalenka vylecieła ŭ čverćfinale. Ciapier jana ŭžo znachodzicca ŭ Madrydzie, dzie startavała kvalifikacyja inšaha bujnoha turniru. Arhanizatary vykłali ŭ siabie ŭ sacsietkach videa z pryjezdam Sabalenki.
I ŭvahu žurnalistaŭ «Trybuny» pryciahnuła, jak niejki mužčyna pakłaŭ joj ruku na miesca, što nižej talii — i tenisistka nijak na heta nie adreahavała.
Žurnalisty vyśvietlili, što nachabnik taksama źviazany z kampanijaj Oakberry, ale heta nie Mańjani.
Hety mužčyna ŭžo byŭ pobač z Sabalenkaj, ale adrazu jaho apaznać nie ŭdałosia. Arhanizatary turniru ŭ Štutharcie vykładali rolik, jak tenisistka zajazdžała ŭ hatel.
Ź joj z mašyny tady vyjšaŭ mužčyna ź vielmi charakternymi tatuiroŭkami.Takija ž tatuiroŭki na ruce taho, chto abdymaje spartsmienku ŭ Madrydzie.
Jak daviedalisia žurnalisty, užo druhi raz na publicy Sabalenku supravadžaje Hieorhias Franhulis.
Jamu 34, i jon, jak i Mańjani, taksama suzasnavalnik Oakberry. Sabalenka z pačatku hetaha hoda zjaŭlajecca rekłamnym tvaram firmy.
Pra Franhulisa ŭ asnoŭnym viadoma toje, što jon sam pra siabie raspavioŭ siem miesiacaŭ tamu ŭ intervju brazilskamu Forbes — vydańnie zacikaviŭ biźnies na zdarovym charčavańni.
Pradprymalnik maje hrečaskija karani. Vučyŭsia ŭ Brazilii va ŭniviersitecie na jurysta, adnak nie staŭ zdavać ispyty i damahacca dypłoma — prosta vielmi chacieŭ uziacca za ŭłasnuju spravu.
Dziela hetaha pierajechaŭ u Majami (siońnia tam jakraz žyvie Sabalenka), sprabavaŭ zajmacca nieruchomaściu, ale zatym źviarnuŭ uvahu na cikavaść amierykancaŭ da zdarovaj ježy — i pieraklučyŭsia na hety kirunak.
Siońnia Oakberry — heta i ŭłasnyja punkty prodažaŭ, i franšyza. Hieahrafija — Aŭstralija, Ispanija, Partuhalija, ZŠA, Saudaŭskaja Aravija i inšyja krainy.
Pierałomnym Franhulis nazyvaje 2016 hod. Raskazvaje, što ŭ žniŭni doktar źviarnuŭ uvahu na bujny limfavuzieł i dyjahnastavaŭ rak ščytapadobnaj załozy. U kastryčniku Franhulis spraviŭ viasielle, a praz dva tydni paśpiachova pieranios apieracyju. Nu a 6 śniežnia adkryŭ pieršy punkt prodažu.
Mužčyna zajmajecca aŭtamabilnymi honkami — u Brazilii ŭdzielničaje ŭ Kubku vykliku «Porše» (biełaruska jak raz maryć pra takuju mašynu) u jakaści piłota. Kali vieryć śpiecyjalizavanym sajtam, u jaho zdaralisia i pieramohi.
Sacsietki Franhulisa vidavočna cikaviać Sabalenku — jana adłajkała tam usie pasty, jakija zjavilisia paśla 26 maja 2023 hoda.
Ale pieršaje fota biez reakcyi spartsmienki — toje, na jakim pradprymalnik sfatahrafavany z žonkaj. Zdymak padpisany: «Dzień samaha pryhožaha serca, dzień kachańnia ŭsiaho majho žyćcia».
Franhulis nibyta časta chodzić u carkvu, bo ličyć karysnym razmaŭlać z Boham.
Na ciele mužčyny šmat tatuirovak — u asnoŭnym, na relihijnuju tematyku. Na hrudziach i na śpinie — raśpiaćci. Na bicepsie pravaj ruki — nadpis «Zmahajsia za nas, voin śviaty Hieorhij», na pieradpleččy — «Haspodź — moj pastyr, i ja nie budu mieć patrebu». Na levaj vybity, jak kaža Franhulis, jaho hałoŭny deviz — Ora et Labora («Malisia i pracuj» — formuła ad bieniedyktyncaŭ). U rajonie serca na niamieckaj movie zrobleny nadpis «Ojča naš».
Zrešty, kali jašče raz zirnuć na ruku sa skryna madrydskaha videa, to možna adšukać jašče adnu dasyłku da Niamieččyny.
U niekatorych subkulturach z dapamohaj ličbaŭ 88 šyfrujecca nacysckaje vitańnie. Ličby aznačajuć paradkavy numar pieršych litar słoŭ vitańnia ŭ łacinskim ałfavicie.
Zrešty, nieviadoma, što Franhulis chacieŭ skazać svajoj tatuiroŭkaj. Jak i ciažka zrazumieć, jakija adnosiny siońnia jaho źviazvajuć z Sabalenkaj.
Kamientary