«Я знайшоў гістарычную карту Манголіі». Экс-прэзідэнт Манголіі патроліў Пуціна
Былы прэзідэнт Манголіі Цахіягійн Элбэгдорж коратка адказаў на доўгі гістарычны экскурс прэзідэнта Расіі Уладзіміра Пуціна, які той зрабіў у часе інтэрвʼю амерыканскаму журналісту Такеру Карлсану.
У сацсетцы Х былы прэзідэнт Манголіі паказаў «гістарычную карту» сваёй краіны.
After Putin’s talk. I found Mongolian historic map. Don’t worry. We are a peaceful and free nation pic.twitter.com/w5c2Hr0cQK
«Пасля размовы Пуціна. Я знайшоў гістарычную карту Манголіі», — напісаў ён.
І дадаў: «Не хвалюйся, мы — мірная і свабодная нацыя».
Гэты твіт пачыталі больш за 2,5 млн разоў.
Прэзідэнт Расіі Уладзімір Пуцін у часе гутаркі з Такерам Карлсанам у чарговы раз паўтарыў свой тэзіс пра гісторыю Расіі і Украіны: паводле яго, Украіны як такой няма, а ўкраінцы — гэта тыя ж рускія.
Каментары