СК назваў, колькі спраў за «экстрэмізм» было заведзена летась у сталіцы
Летась у Мінску было ўзбуджана 2580 крымінальных справаў па «экстрэмісцкіх» артыкулах, звязаных з выбарамі ў 2020 годзе, паведаміла агенцтву «Мінск-Навіны» афіцыйны прадстаўнік УСК па Менску Кацярына Гарлінская.
Гарлінская кажа, што «планамерная праца» па выяўленні ўдзельнікаў пратэстаў 2020 года праводзіцца штодня.
Толькі ў Мінску ў 2023 годзе было ўзбуджана 2580 крымінальных справаў па «экстрэмісцкіх» артыкулах.
1003 чалавекі прызнаныя падазраванымі ў «грубым парушэнні грамадскага парадку» (ч. 1 арт. 342 КК), больш за 1000 спраў распачата за «абразу» Лукашэнкі і сілавікоў у інтэрнэце.
— Паверыўшы ў поўную ананімнасць і беспакаранасць, гэтыя грамадзяне лічаць неабходным выказваць меркаванне па розных пытаннях, — кажа Гарлінская, дадаючы, што грамадзяне пры гэтым, «натуральна», выкарыстоўваюць «ненарматыўную лексіку і абразы ў адрас прадстаўнікоў улады і любога, хто яе падтрымлівае».
Насамрэч, у Беларусі можна патрапіць пад пераслед за крытыку Лукашэнкі і яго рэжыму і без ужывання ненарматыўнай лексікі і абразаў — проста за сам факт нязгоды.
Масавыя палітычныя рэпрэсіі ў Беларусі працягваюцца з 2020 года. Па словах генеральнага пракурора Андрэя Шведа, за гэты час было заведзена больш за 16 тысяч крымінальных спраў «экстрэмісцкай скіраванасці», гэта значыць, палітычнага характару. Згодна з інфармацыяй прадстаўніка Аб'яднанага пераходнага кабінета Паўла Латушкі, з 2020 года рэпрэсіі закранулі 136 тысяч чалавек.
«На аблавах былі задзейнічаныя 174 следчыя». Праваабаронцы расказалі падрабязнасці пра студзеньскі хапун
«У мяне гематома ў мозгу засталася з таго часу». Ахвяра сілавікоў расказала, што ў яе цяпер з жыццём і здароўем
Дзвюх жанчын з Ліды аштрафавалі за атрыманне дапамогі ад INeedHelpBY. Дзяржава забірае сабе і суму дапамогі
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»28
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары
Толькі ў Мінску ў 2023 годзе было ўзбуджана 2580 крымінальных справаў па «экстрэмісцкіх» артыкулах. ///
Толькі ў Мінску выходзіла супраць Лукашэнкі да 500 тысяч чалавек.
Каб пералавіць усіх, спатрэбіцца 200 год. (500 000:2500=200).
Нават калі з'ехала дапусцім 250 тысяч, то спатрэбіцца 100 год.
За гэты час нарастуць новыя пакаленні, якія бачаць, што творыць антыбеларускі прамаскоўскі рэжым.