SK nazvaŭ, kolki spraŭ za «ekstremizm» było zaviedziena letaś u stalicy
Letaś u Minsku było ŭzbudžana 2580 kryminalnych spravaŭ pa «ekstremisckich» artykułach, źviazanych z vybarami ŭ 2020 hodzie, paviedamiła ahienctvu «Minsk-Naviny» aficyjny pradstaŭnik USK pa Miensku Kaciaryna Harlinskaja.
Harlinskaja kaža, što «płanamiernaja praca» pa vyjaŭleńni ŭdzielnikaŭ pratestaŭ 2020 hoda pravodzicca štodnia.
Tolki ŭ Minsku ŭ 2023 hodzie było ŭzbudžana 2580 kryminalnych spravaŭ pa «ekstremisckich» artykułach.
1003 čałavieki pryznanyja padazravanymi ŭ «hrubym parušeńni hramadskaha paradku» (č. 1 art. 342 KK), bolš za 1000 spraŭ raspačata za «abrazu» Łukašenki i siłavikoŭ u internecie.
— Pavieryŭšy ŭ poŭnuju ananimnaść i biespakaranaść, hetyja hramadzianie ličać nieabchodnym vykazvać mierkavańnie pa roznych pytańniach, — kaža Harlinskaja, dadajučy, što hramadzianie pry hetym, «naturalna», vykarystoŭvajuć «nienarmatyŭnuju leksiku i abrazy ŭ adras pradstaŭnikoŭ ułady i luboha, chto jaje padtrymlivaje».
Nasamreč, u Biełarusi možna patrapić pad pieraśled za krytyku Łukašenki i jaho režymu i biez užyvańnia nienarmatyŭnaj leksiki i abrazaŭ — prosta za sam fakt niazhody.
Masavyja palityčnyja represii ŭ Biełarusi praciahvajucca z 2020 hoda. Pa słovach hienieralnaha prakurora Andreja Švieda, za hety čas było zaviedziena bolš za 16 tysiač kryminalnych spraŭ «ekstremisckaj skiravanaści», heta značyć, palityčnaha charaktaru. Zhodna ź infarmacyjaj pradstaŭnika Abjadnanaha pierachodnaha kabinieta Paŭła Łatuški, z 2020 hoda represii zakranuli 136 tysiač čałaviek.
«Na abłavach byli zadziejničanyja 174 śledčyja». Pravaabaroncy raskazali padrabiaznaści pra studzieński chapun
«U mianie hiematoma ŭ mozhu zastałasia z taho času». Achviara siłavikoŭ raskazała, što ŭ jaje ciapier z žyćciom i zdaroŭjem
Dźviuch žančyn ź Lidy aštrafavali za atrymańnie dapamohi ad INeedHelpBY. Dziaržava zabiraje sabie i sumu dapamohi
Bialacki: Nie treba śpiašacca admianiać sankcyi. Bo heta budzie ŭspryniata režymam jak jaho pieramoha i słabaść Jeŭropy15
Kamientary
Tolki ŭ Minsku ŭ 2023 hodzie było ŭzbudžana 2580 kryminalnych spravaŭ pa «ekstremisckich» artykułach. ///
Tolki ŭ Minsku vychodziła suprać Łukašenki da 500 tysiač čałaviek.
Kab pierałavić usich, spatrebicca 200 hod. (500 000:2500=200).
Navat kali źjechała dapuścim 250 tysiač, to spatrebicca 100 hod.
Za hety čas narastuć novyja pakaleńni, jakija bačać, što tvoryć antybiełaruski pramaskoŭski režym.