Да Палка Каліноўскага далучыўся былы вязень Станіслаў Ганчароў «Тэрор-машына»
Фота былога байца батальёна «Азоў» Станіслава Ганчарова з пазыўным «Тэрор-машына» з'явілася ў сацсетках Палка Каліноўскага. Ён зняты з камандзірам вайсковага фармавання Дзянісам «Кітом» Прохаравым.
«7 год ён правёў у вязніцах рэжыму Лукашэнкі і нарэшце атрымаў шанец на помсту», — каментуецца гэта фота ў тэлеграм-канале Палка Каліноўскага.
Тады 20-гадовы жыхар Віцебска Станіслаў Ганчароў, які ваяваў ва Украіне на баку АТА і быў вядомы па мянушцы Тэрор-машына, у сакавіку 2017 года быў асуджаны Віцебскім абласным да 7 гадоў калоніі ўзмоцненага рэжыму. Разам з ім па справе праходзілі яшчэ сямёра хлопцаў ва ўзросце ад 18 да 22 гадоў. Іх суд прысудзіў да розных тэрмінаў — ад 1 года абмежавання волі да 6 гадоў пазбаўлення волі.
Паводле версіі сілавікоў, пачынаючы з 2012 года Ганчароў нібыта з'яўляўся нефармальным лідарам каляфутбольных груповак, заклікаў сваіх аднадумцаў да знявагі і збіцця людзей неславянскай знешнасці і падаваў у гэтым прыклад. Збіванням і здзекам падвяргаліся таксама падлеткі-беларусы.
На волю Станіслаў Ганчароў, цалкам адбыўшы тэрмін, выйшаў у сярэдзіне 2023 года. Пасля таго яго яшчэ раз затрымлівалі.
Цяпер чытаюць
«Забіць яго ці адрэзаць яму яйцы я не рашыўся». Падрабязнасці трагедыі ў Гданьску, дзе ваяр катаваў бойфрэнда, а пасля забіў сябе43
Каментары