Мінчуку за данаты на 50 даляраў і каментары ў інтэрнэце далі пяць гадоў калоніі і гіганцкі штраф
Мінскі гарадскі суд вынес прысуд палітзняволенаму Андрэю Савінскаму.
Яго абвінавацілі яго ў распальванні сацыяльнай варожасці альбо варажнечы (ч. 1 арт. 130 КК) і фінансаванні экстрэмісцкай дзйнасці (ч. 1 і ч. 2 арт. 361-2 КК). Справу разглядала суддзя Вера Галаўкова.
Паводле абвінавачання, Савінскі за паўтара года перавёў на рахункі фондаў, прызнаных «экстрэмісцкімі», суму, эквівалентную 50$. Пры гэтым неаднаразова выкарыстоўваў свой акаўнт у фэйсбуку.
Таксама ён у адным з тэлеграм-чатаў размясціў чатыры тэкставыя паведамленні, нібыта скіраваныя на распальванне сацыяльнай варожасці ў грамадстве.
У выніку Андрэю прызначылі 5 гадоў пазбаўлення волі ў калоніі ўзмоцненага рэжыму, а таксама штраф у памеры 200 базавых велічынь (7400 рублёў).
Падтрымайце палітвязня: Турма № 4. 212011, г. Магілёў, вул. Крупскай, 99А. Андрэй Юр’евіч Савінскі.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў11
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары