Міжнародны алімпійскі камітэт яшчэ раз праверыць імаверны допуск беларусаў на Алімпіяду
Да Гульняў былі аб'яўленыя дадатковыя крытэрыі допуску, таму патрэбна праверка.
Спартоўцаў з Беларусі і Расіі, якія адабраліся на Алімпіяду і атрымалі допуск, яшчэ раз правераць незалежныя аналітыкі, заявіў дырэктар Міжнароднага алімпійскага камітэта (МАК) па камунікацыях Марк Адамс, піша «Спутнік».
Ён адзначыў, што спаборніцтвы з удзелам спартсменаў у нейтральным статусе былі праведзены на ўмовах міжнародных федэрацый, але да Гульняў былі аб'яўлены дадатковыя крытэрыі допуску, таму патрэбна праверка.
«Што тычыцца працэсу, то мы ў цяперашні час займаемся вызначэннем і прызначэннем незалежных аналітыкаў з годнай рэпутацыяй, якія правераць кожнага атлета, каб яны не парушалі крытэры. Можаце быць упэўненыя: ужо быў адзін працэс, будзе праведзены яшчэ адзін з боку Мак з задзейнічаннем незалежных аналітыкаў», — сказаў Адамс.
У дачыненні да атлетаў з Беларусі і Расіі былі ўведзеныя санкцыі ў сакавіку 2022 года пасля поўнамаштабнага ўварвання Расіі ва Украіну. Многія федэрацыі забаранілі пад сваёй эгідай праводзіць у Беларусі і Расіі міжнародныя спаборніцтвы.
У сакавіку 2023-га, МАК рэкамендаваў міжнародным федэрацыям дапускаць да стартаў расіян і беларусаў, якія не падтрымлівалі вайну, але толькі ў статусе нейтральных атлетаў.
XXXIII Алімпійскія Гульні 2024 года пройдуць у Парыжы з 26 ліпеня па 11 жніўня.
Беларус набыў кватэру ў Іспаніі, але яе занялі акупасы. Цяпер ён не можа яе вярнуць44
Каментары