Вакаліст расійскага гурта выйшаў на сцэну ў адной шкарпэтцы. Прычым яна была не на назе
Яго затрымалі ў той жа дзень. Выхадка набыла палітычнае гучанне.
7 студзеня на канцэрце ў клубе Mod у Пецярбургу саліст гурта «Щенки» Максім Тэслі (Маісееў) падчас выканання песні «Белае на белым» выйшаў на сцэну ў адной шкарпэтцы на геніталіях. Але шкарпэтка спаўзла, і ён застаўся зусім голы.
Гэты эпізод набыў палітычны падтэкст, бо пад арыштам застаецца рэпер Vacio, які прыйшоў на «голую вечарынку» ў адным з маскоўскіх клубаў таксама ў адной шкарпэтцы. За той выпадак зачапіліся шавіністычныя колы, каб распаліць нянавісць да артыстычных колаў, у якіх яны бачаць носьбітаў распусты і непатрыётаў.
Кіраўніца «ахраніцельскай» Лігі бяспечнага інтэрнэту Кацярына Мізуліна назвала саліста «Щенков» пераймальнікам рэпера Vacio. «Цікава, як на гэта адрэагуюць праваахоўныя органы паўночнай сталіцы», — напісала яна ў сваім тэлеграм-канале.
У выніку ролікам з выступам Тэслі ў аголеным выглядзе адразу зацікавіліся супрацоўнікі Цэнтра па супрацьдзеянні экстрэмізму. У дзеяннях музыкі ўгледзелі «прыкметы адміністрацыйнага правапарушэння».
Дэпутат Дзярждумы Віталь Мілонаў у гутарцы з радыёстанцыяй «Говорит Москва» заявіў, што цяпер вакалісту «Щенков», імаверна, прыйдзецца «надзець шэрую ўніформу і выступаць у папраўчай калоніі».
Дэпутат сцвярджае, што зладзіць праверку клубу Mod, у якім праходзіў канцэрт гурта. «Адкрыем студыю дзіцячых танцаў у клубе Mod, хай дзеці там матылькоў збіраюць, гербарыі лепяць. Знайсці можна прымяненне гэтаму месцу», — дадаў Мілонаў.
Максім Тэслі (Майсееў) спрабаваў пакінуць краіну, але яго затрымалі ў аэрапорце Пулкава.
У снежні 2023 года суд прызначыў 15 сутак адміністрацыйнага арышту па артыкуле аб дробным хуліганстве рэперу Vacio (сапраўднае імя — Мікалай Васільеў), які прыйшоў на «амаль голую» вечарыну Насці Іўлеевай у маскоўскім клубе «Мутабор» у адной шкарпэтцы на геніталіях. Музыку таксама аштрафавалі за нібыта «прапаганду» ЛГБТ.
Пасля Новага года Vacio паўторна арыштавалі на дзесяць сутак, таксама па абвінавачванні ў дробным хуліганстве. Паводле звестак СМІ, рэперу таксама ўручылі позву ў ваенкамат. Саму «амаль голую» вечарыну суд прызнаў» прапагандай нетрадыцыйных сэксуальных адносін», а яе арганізатарку Насцю Іўлееву аштрафавалі на 100 тысяч рублёў (1200 даляраў).
Цяпер чытаюць
Былы вядучы БТ, які звольніўся ў 2020-м і выехаў у Славакію, расказаў, як жыве цяпер2
Каментары