Vakalist rasijskaha hurta vyjšaŭ na scenu ŭ adnoj škarpetcy. Pryčym jana była nie na nazie
Jaho zatrymali ŭ toj ža dzień. Vychadka nabyła palityčnaje hučańnie.
7 studzienia na kancercie ŭ kłubie Mod u Pieciarburhu salist hurta «Ŝienki» Maksim Teśli (Maisiejeŭ) padčas vykanańnia pieśni «Biełaje na biełym» vyjšaŭ na scenu ŭ adnoj škarpetcy na hienitalijach. Ale škarpetka spaŭzła, i jon zastaŭsia zusim hoły.
Hety epizod nabyŭ palityčny padtekst, bo pad aryštam zastajecca repier Vacio, jaki pryjšoŭ na «hołuju viečarynku» ŭ adnym z maskoŭskich kłubaŭ taksama ŭ adnoj škarpetcy. Za toj vypadak začapilisia šavinistyčnyja koły, kab raspalić nianaviść da artystyčnych kołaŭ, u jakich jany bačać nośbitaŭ raspusty i niepatryjotaŭ.
Kiraŭnica «achranicielskaj» Lihi biaśpiečnaha internetu Kaciaryna Mizulina nazvała salista «Ŝienkov» pierajmalnikam repiera Vacio. «Cikava, jak na heta adreahujuć pravaachoŭnyja orhany paŭnočnaj stalicy», — napisała jana ŭ svaim telehram-kanale.
U vyniku rolikam z vystupam Teśli ŭ aholenym vyhladzie adrazu zacikavilisia supracoŭniki Centra pa supraćdziejańni ekstremizmu. U dziejańniach muzyki ŭhledzieli «prykmiety administracyjnaha pravaparušeńnia».
Deputat Dziarždumy Vital Miłonaŭ u hutarcy z radyjostancyjaj «Hovorit Moskva» zajaviŭ, što ciapier vakalistu «Ŝienkov», imavierna, pryjdziecca «nadzieć šeruju ŭniformu i vystupać u papraŭčaj kałonii».
Deputat śćviardžaje, što zładzić pravierku kłubu Mod, u jakim prachodziŭ kancert hurta. «Adkryjem studyju dziciačych tancaŭ u kłubie Mod, chaj dzieci tam matylkoŭ źbirajuć, hierbaryi lepiać. Znajści možna prymianieńnie hetamu miescu», — dadaŭ Miłonaŭ.
Maksim Teśli (Majsiejeŭ) sprabavaŭ pakinuć krainu, ale jaho zatrymali ŭ aeraporcie Pułkava.
U śniežni 2023 hoda sud pryznačyŭ 15 sutak administracyjnaha aryštu pa artykule ab drobnym chulihanstvie repieru Vacio (sapraŭdnaje imia — Mikałaj Vasiljeŭ), jaki pryjšoŭ na «amal hołuju» viečarynu Naści Iŭlejevaj u maskoŭskim kłubie «Mutabor» u adnoj škarpetcy na hienitalijach. Muzyku taksama aštrafavali za nibyta «prapahandu» ŁHBT.
Paśla Novaha hoda Vacio paŭtorna aryštavali na dziesiać sutak, taksama pa abvinavačvańni ŭ drobnym chulihanstvie. Pavodle źviestak ŚMI, repieru taksama ŭručyli pozvu ŭ vajenkamat. Samu «amal hołuju» viečarynu sud pryznaŭ» prapahandaj nietradycyjnych seksualnych adnosin», a jaje arhanizatarku Naściu Iŭlejevu aštrafavali na 100 tysiač rubloŭ (1200 dalaraŭ).
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary