Дэпутат расійскай Дзяржаўнай думы Алег Нілаў прапанаваў у адказ на дзеянні ўрада Фінляндыі, які цалкам закрыў сухапутную мяжу краіны з Расіяй у адказ на інспіраваны мігранцкі крызіс, перайменаваць Фінскі заліў, піша «Коммерсант».
Паводле слоў дэпутата, адпаведны запыт паступіў яму ад жыхароў Санкт-Пецярбурга. Яны нібыта просяць перайменаваць заліў у Неўскі. Таксама, на думку Нілава, імператар Пётр І роўна трыста гадоў таму, у 1723 годзе, нібыта пры заснаванні горада Кранштата назваў заліў Кранштацкім.
Насамрэч, як пазначана на сайце тапанімічнага партала Санкт-Пецярбурга, цяперашні Фінскі заліў у XVI стагоддзі насіў назву Лівонскага заліва, а ў наўгародскіх летапісах называўся Котлінским возерам (у гонар вострава Котлін, на якім пазней быў заснаваны Кранштат).
Назва Фінскі заліў у рускай мове вядомая з 1710-х гадоў, а Кранштацкім залівам ён быў у 1737-1793 гадах.
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА77
Каментары