Еўрапейская кінаакадэмія абвясціла намінантаў у асноўных катэгорыях 36-й кінапрэміі. Сярод іх фільм беларускіх аўтараў.
У намінацыі «Найлепшы дакументальны фільм» трапіла праца беларускіх рэжысёраў «Радзіма». Фільм, створаны Ганнай Бадзякай і Аляксандрам Міхалковічам, распавядае гісторыю маладога салдата і маці, чый сын загінуў у войску, паведамляе «Будзьма».
Таксама ў намінацыі: «Apolonia, Apolonica» (рэжысёр Леа Глоб (Данія, Польшча), «Чатыры дачкі» (рэжысёр Каўнтэр Бен Хана (Францыя, Туніс, Германія, Саудаўская Аравія), «На Адаманце» (Нікаля Філібер, Францыя, Японія), «Сястрыцтва з лазняй па-чорнаму» (Ганна Хінтс, Эстонія, Францыя, Ісландыя).
Гэта не першая адзнака для фільма «Радзімы»: раней карціна ўжо атрымала ўзнагароду DOX: AWARD на міжнародным фестывалі дакументальнага кіно ў Капенгагене, а таксама была адзначана прызам ад Міжнароднай федэрацыі кінакрытыкаў FIPRESCI у Вісбадэне.
Убачыць фільм можна на фестывалі беларуска-ўкраінскага кіно «1084. На мяжы» і на форуме кіно Паўночных і Балтыйскіх краін «Паўночнае ззянне».
Цяпер чытаюць
Вось якое хараство за 40 мільёнаў даляраў прадае сябар-трэнер Лукашэнкі1
Вось якое хараство за 40 мільёнаў даляраў прадае сябар-трэнер Лукашэнкі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2828
Каментары