Наведванні замежнікаў будуць платнымі з 15 студзеня.
Уваход у мячэць Айя-Сафія (Святой Сафіі) у Стамбуле стане платным для замежных турыстаў з 15 студзеня 2024 года, паведаміў міністр турызму Турцыі Мехмет Нуры Эрсой, піша РБК.
«Наведванні замежнікаў будуць платнымі з 15 студзеня. Набажэнствы і наведванні будуць бясплатнымі для грамадзян Турцыі», — заявіў міністр.
Па словах міністра турызму, рашэнне турэцкіх уладаў звязана з рэкамендацыямі ЮНЕСКА. У самой мячэці павысіцца якасць экскурсій і набажэнстваў.
Сабор Святой Сафіі (цяпер мячэць Айя-Сафія) быў пабудаваны ў VI стагоддзі і доўгі час заставаўся сімвалам хрысціянства на Усходзе. Пасля захопу Канстанцінопаля Асманскай імперыяй у 1453 годзе яго перарабілі ў мячэць. З 1934 года храм працаваў у нейтральным статусе музея. У ім былі захаваныя і хрысціянскія, і мусульманскія элементы.
У ліпені 2020 года Дзяржсавет Турцыі адмяніў рашэнне, якое ператварыла Святую Сафію ў музей, улады вярнулі ёй статус мячэці. Пасля таго як прэзідэнт краіны Рэджэп Таіп Эрдаган падпісаў указ аб змене статусу сабора, Грэцыя прыстрашыла Турцыю санкцыямі.
Афіцыйны прадстаўнік грэцкага ўрада Стэліяс Пецас назваў гэтае рашэнне «гістарычнай памылкай». «Любы, хто парушае міжнароднае права, павінен разумець, што за такое правапарушэнне існуюць балючыя санкцыі», — сказаў ён.
Цяпер чытаюць
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў23
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх21
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары
И ещё проявит себя