У Гродне паставілі паказальнік для ахвотных знайсці праезд Эміля Чэчкі
У самым канцы лета дэпутаты Гродзенскага гарадскога Савета дэпутатаў далі новую назву праезду ад вуліцы Будзённага паміж дамамі 46 і 48 да вуліцы Ажэшкі паміж дамамі 47 і 49. Ён стаў насіць імя польскага дэзерціра Эміля Чэчкі. А сёння чытачы блога s13.ru заўважылі на вуліцы Ажэшкі адпаведны дарожны паказальнік, які паказвае ў бок гродзенскай кавярні «Паланэз».
Гаворка пра дарогу, якая ідзе ад размешчанай недалёка ад вуліцы Ажэшкі кавярні «Паланэз» уздоўж берага Гараднічанкі праз двор будынка, у якім знаходзіцца польскае консульства, з выхадам на вуліцу Будзённага.
Пры гэтым, нягледзячы на назву аб'екта, скразны праезд праз гэты ўчастак адсутнічае, бо на ўнутранай тэрыторыі будынка ўстаноўленыя шлагбаумы.
Эміль Чэчка — польскі салдат, які ў снежні 2021 года папрасіў палітычнага прытулку ў Беларусі. Ён распавёў, што не згодны з палітыкай Польшчы ў міграцыйным крызісе, абвінаваціў Польшчу ў масавым забойстве мігрантаў. Чэчку ў сваіх мэтах актыўна выкарыстоўвала беларуская прапаганда.
У сакавіку 2022 года яго знайшлі павешаным у Мінску.
Цяпер чытаюць
Даведаліся, як жыве Сяргей «Хлопатнае дзельца» Міронаў6
Каментары
- польскі жаўнер з псіхічнымі парушэннямі перабег у дыктатуру
- ягоныя заявы былі такімі абруднымі, што нават расейская прапаганда пагрэбавала іх рэстрансляваць
- але яны задаволілі узровень прапаганды рэжыму, які да гэтага даў у этэр абракадабру пра Ніка і Майка
- пасля адпрацоўкі скрыпач стаў не патрэбны і ад яго пазбавіліся, а былая махлярка Лебедзева нават пусціла кракадзілаву слязу на пахаванні Чэчкі