U Hrodnie pastavili pakazalnik dla achvotnych znajści prajezd Emila Čečki
U samym kancy leta deputaty Hrodzienskaha haradskoha Savieta deputataŭ dali novuju nazvu prajezdu ad vulicy Budzionnaha pamiž damami 46 i 48 da vulicy Ažeški pamiž damami 47 i 49. Jon staŭ nasić imia polskaha deziercira Emila Čečki. A siońnia čytačy błoha s13.ru zaŭvažyli na vulicy Ažeški adpaviedny darožny pakazalnik, jaki pakazvaje ŭ bok hrodzienskaj kaviarni «Pałanez».
Havorka pra darohu, jakaja idzie ad raźmieščanaj niedaloka ad vulicy Ažeški kaviarni «Pałanez» uzdoŭž bieraha Haradničanki praz dvor budynka, u jakim znachodzicca polskaje konsulstva, z vychadam na vulicu Budzionnaha.
Pry hetym, niahledziačy na nazvu abjekta, skrazny prajezd praz hety ŭčastak adsutničaje, bo na ŭnutranaj terytoryi budynka ŭstanoŭlenyja šłahbaumy.
Emil Čečka — polski sałdat, jaki ŭ śniežni 2021 hoda paprasiŭ palityčnaha prytułku ŭ Biełarusi. Jon raspavioŭ, što nie zhodny z palitykaj Polščy ŭ mihracyjnym kryzisie, abvinavaciŭ Polšču ŭ masavym zabojstvie mihrantaŭ. Čečku ŭ svaich metach aktyŭna vykarystoŭvała biełaruskaja prapahanda.
U sakaviku 2022 hoda jaho znajšli paviešanym u Minsku.
Kamientary
- polski žaŭnier ź psichičnymi parušeńniami pierabieh u dyktaturu
- jahonyja zajavy byli takimi abrudnymi, što navat rasiejskaja prapahanda pahrebavała ich restranślavać
- ale jany zadavolili uzrovień prapahandy režymu, jaki da hetaha daŭ u eter abrakadabru pra Nika i Majka
- paśla adpracoŭki skrypač staŭ nie patrebny i ad jaho pazbavilisia, a byłaja machlarka Lebiedzieva navat puściła krakadziłavu ślazu na pachavańni Čečki