Кітай расказаў, колькі плаціць за беларускі калій. Лічба ўражвае
Галоўнае мытнае ўпраўленне КНР абнавіла даныя пра імпарт калійных угнаенняў. Статыстыка сведчыць, што Беларусь выступае ключавым пастаўшчыком калію на кітайскі рынак, піша Myfin.by.
Паводле інфармацыі кітайскага боку, у студзені — верасні 2023 года сукупны аб'ём імпарту КНР па таварнай пазіцыі «Угнаенні мінеральныя або хімічныя, калійныя» склаў $3,62 млрд (папярэднія даныя).
Для параўнання: у студзені — верасні мінулага года кошт імпарту складаў $3,25 млрд, а за такі ж перыяд 2021 года — $1,50 млрд.
Галоўным пастаўшчыком калійных угнаенняў на кітайскі рынак выступае Беларусь. Па выніках дзевяці месяцаў 2023 года Кітай заплаціў за імпарт беларускага калію каля $1,25 млрд (+$505 млн да ўзроўню студзеня — верасня 2022 года).
Акрамя Беларусі, у тройку лідараў увайшлі Расійская Федэрацыя ($740,0 млн) і Канада ($537,5 млн).
У дастаткова вялікіх аб'ёмах імпарт калійных угнаенняў таксама ажыццяўляўся з такіх краін, як:
- Лаос ($478,8 млн),
- Іарданія ($295,5 млн),
- Ізраіль ($252,8 млн).
-
«Мая праца згарэла». Беларускія бізнэсы страцілі тавар на складах Wildberries, але маюць больш шанцаў на кампенсацыю, чым расіяне
-
20 літраў у бак і ніякіх каністраў? Ці сапраўды на беларускіх запраўках на мяжы з Расіяй увялі ліміты на бензін
-
Кітайскі стартап выпусціў ШІ-мадэль, якая абышла амерыканскія аналагі
Каментары