Замежная запазычанасць Беларусі амаль дасягнула рэкордных 20 млрд даляраў
Агульны замежны доўг Беларусі за тры першыя кварталы 2009 года вырас на 27,3%.
Агульны замежны доўг Беларусі за тры першыя кварталы 2009 года вырас на 27,3%, да 19 млрд 299 млн даляраў і дасягнуў на 1 кастрычніка 37,1% ВУП краіны. На пачатак года ён складаў 25,1% ВУП. Такія звесткі апублікаваў Нацбанк.
Згодна з гэтымі звесткамі, на абслугоўванне замежнай запазычанасці за дзевяць месяцаў 2009 года скіравалі $4569 млн (12,8% ад ВУП або 26% паступленняў ад экспарту). Столькі з’ядаюць выплаты па асноўнай запазычанасці і па працэнтах.
Доўг расце хутчэй, чым прагназавалася. Лічылася, што запазычанасць можа вырасці да $20 млрд да канца года. Па факце яна можа дасягнуць нават $21 млрд.
Паводле стану на 1 кастрычніка, на кожнага беларуса, з малымі і старымі ўключна, прыпадае 1997 даляраў замежнай запазыкі, тады як на 1 студзеня было толькі 1567 даляраў. За апошнія 12 гадоў гэты паказчык узрос больш чым у 10 разоў, падлічыў сайт afn.by.
На пачатак 1997 года доўг на душу насельніцтва складаў $186, на 1 студзеня 2005 года — $500, 2007 – $700, 2008 — $1290.
Для гаспадаркі як беларуская, якая не ўваходзіць у Еўрасаюз з яго страховачнымі механізмамі, бяспечнай мяжой запазычанасці можна лічыць планку 50 або 60 працэнтаў ад ВУП.Яе Беларусь можа дасягнуць за два‑тры гады.
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім17
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3636
Каментары