«Чакаем ад Беларусі спіс клубаў, якія могуць быць уключаныя ў расійскую прэм'ер-лігу», — сказаў міністр спорту Алег Матыцын.
Міністр спорту Расіі Алег Матыцын выказаўся пра магчымае ўключэнне футбольных клубаў Беларусі ў чэмпіянат Расіі па футболе, паведамляе Championat.com.
«Мы зараз чакаем прапаноў ад Беларусі па клубах. Пасля яго атрымання будзем абмяркоўваць гэтае пытанне з Расійскім футбольным саюзам. Гэта стратэгічныя ініцыятывы, якія павінны быць зацверджаны старшынямі ўрадаў. Пасля гэтага яны павінны быць ухваленыя як адзіны план у рамках Саюзнай дзяржавы. Думаю, ухваляць. Беларускі бок зараз прапрацоўвае спіс каманд, якія могуць быць уключаны ў чэмпіянат Расіі. Ёсць вельмі шмат тэхнічных пытанняў — напрыклад, ці трэба аўтаматычна браніраваць месца для беларускай каманды. Не ўпэўнены, што мы паспеем прапрацаваць усё да наступнага сезона», — сказаў Матыцын.
Ганаровы прэзідэнт Расійскага футбольнага саюза заявіў, што ў магчымым уключэнні беларускіх клубаў у Расійскую прэм'ер‑лігу (РПЛ) няма ніякага спартыўнага сэнсу.
«У гэтым няма ніякага спартыўнага сэнсу, нічога не дасць расійскаму футболу. У спартыўна-палітычным, магчыма, мае значэнне. Магчыма, пойдуць нейкія новыя інвестыцыі ад рэкламы. Рашэнне павінны прымаць дзве федэрацыі, калісьці наша адхіленне скончыцца.
Калі будзе сумесны чэмпіянат — узнікнуць праблемы. Ёсць пэўны рэгламент допуску да клубных спаборніцтваў, там выразна прапісана, што каманды, якія прадстаўляюць нацыянальныя асацыяцыі, павінны належаць краіне і многія іншыя дробязі», — сказаў Каласкоў на «Матч ТБ».
***
Чэмпіянат Расіі па футболе разыгрываецца па сістэме восень — вясна, тады як чэмпіянат Беларусі з-за кліматычных асаблівасцяў пачынаецца ў лепшым выпадку ў канцы сакавіка.
Апроч таго, пасля пачатку поўнамаштабнага ўварвання Расіі ва Украіну на расійскі футбол накладзены міжнародны бан.
Зборныя пазбавілі ўдзел у адборачных турнірах, а клубы выкінулі з еўракубкаў. Зборная Расіі вымушана задавольвацца таварыскімі матчамі з зусім не топавымі зборнымі з Азіі і Афрыкі, робячы выгляд, што гэта вельмі цікава.
Беларускі футбол абышоўся малой крывёй. Матчы зборнай і клубаў у еўракубках праводзяцца на нейтральным полі.
Цяпер чытаюць
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае7
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары