Што рабіць, калі дома з'явіўся пах рыбы, але вы не гатавалі нядаўна рыбных страў
Магчыма, вам варта праверыць электрыку.
Гісторыяй, якая на першы погляд здаецца драбязой, падзялілася ў тыктоку блогерка Клаўдыя Андэрсан. Жанчына расказала, што яна і яе муж сталі заўважаць дзіўнаваты пах рыбы ў спальні. Пара старанна прыбралася ў пакоі і санвузле побач з ім, нават разабралі каналізацыйны зліў, але смурод толькі станавіўся мацнейшым. Некалькі тыдняў Клаўдыя з мужам безвынікова змагаліся з праблемай, але саромеліся камусьці расказаць пра яе, бо сітуацыя ім здавалася драбязой.
У нейкі момант жанчына вырашыла проста пашукаць у інтэрнэце, з чым можа быць звязаны дзіўны пах. Адказ яе шакаваў: рыбны пах можа сведчыць аб праблемах з электрыкай, таму варта неадкладна выклікаць спецыяліста. Гэтак пара і зрабіла.
Як выявілася, у адной з разетак адышоў дрот і пачаў плавіць пластык. Спецыялісты адзначаюць, што гэта надзвычай небяспечная з'ява, якая часта заканчваецца пажарам.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»28
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары
я красив природной крысатой - як сказаў мой шэў