Прапагандыст і гендырэктар Нацыянальнай бібліятэкі Беларусі Вадзім Гігін падтрымаў правядзенне ў Мінску тэматычнай фотавыставы «Жанчыны Герояў Браншчыны». Адкрыццё адбудзецца сёння ў галерэі «Мабільная» на трэцім паверсе бібліятэкі, заўважыў reform.by.
Фотавыстава зʼяўляецца часткай расійскага прапагандысцкага праекта жонкі камандзіра 2-й агульнавайсковай арміі РФ Кацярыны Калатоўкінай.
Грошы на мерапрыемства жанчына атрымала з Фонду прэзідэнцкіх грантаў РФ праз дабрачынны фонд «Радасць». Агульная сума гранта — 3,1 млн расійскіх рублёў. Яшчэ 1,7 млн рублёў вылучае партнёрская арганізацыя. Сумарна гэта каля 50 тысяч даляраў.
У апісанні праекта гаворыцца, што на гэтыя грошы будуць арганізаваны 25 фотасесій для жонак мабілізаваных, 1 перасоўная фотавыстава з партрэтамі 48 жонак мабілізаваных, 1 канцэрт з удзелам жонак вайскоўцаў і прысутнасцю не менш як 700 гледачоў, 2 майстар-класы па вырабе шаўронаў, якія наведаюць не менш за 20 жанчын, адбудзецца не менш за 30 сустрэч жонак вайскоўцаў з не менш як 900 старшакласнікамі Самарскай вобласці.
Непасрэдна ў Мінску выставу арганізуюць прарасійская арганізацыя «Русь маладая» сумесна з Камітэтам семʼяў воінаў Айчыны Бранска пры падтрымцы Нацыянальнай бібліятэкі Беларусі.
-
«Паша, я табе не веру». Севярынец расказаў, як выпадковая дзяўчына матывавала яго назаўсёды перайсці на беларускую мову
-
«Яна не дачакала гэтага дня, але гэты дзень дачакаў яе»: Ларысе Геніюш пасмяротна выдалі Нацыянальны пашпарт Беларусі
-
Дарожныя штрафы будуць спісваць з карткі аўтаматычна. Але не ва ўсіх выпадках
Цяпер чытаюць
«Паша, я табе не веру». Севярынец расказаў, як выпадковая дзяўчына матывавала яго назаўсёды перайсці на беларускую мову4
Каментары