«Ён вельмі сціплы чалавек». Гендырэктар «Беларусьфільма» мяркуе, што прыйшоў час зняць фільм пра Лукашэнку
Нягледзячы на супраціў Аляксандра Лукашэнкі, гендырэктар «Беларусьфільма» гатовы рызыкнуць і пачаць абмеркаванне з калегамі стварэння фільма.
«Напэўна, ужо падыходзіць гэты час», — заявіў ён у інтэрв'ю на тэлеканале СТБ прапагандысту Рыгору Азаронку, піша Reform.by.
У канцы інтэрв'ю Азаронак задаў «самае складанае пытанне».
«Прэзідэнт не любіць і не ўхваліў бы такі праект — ён вельмі сціплы чалавек. Але для сябе, я, напрыклад, задумваўся пра такое, для сябе задумваліся пра фільм пра прэзідэнта?» — спытаў Азаронак-малодшы.
«Ведаеце, мы думаем, я таксама думаю, і мне здаецца, гэта неабходна зрабіць. Чалавек, які зрабіў гэтую краіну, чалавек, які вядзе беларусаў вось менавіта гэтым шляхам. Мы жывем ва ўнікальны час. Я лічу, што, напэўна, ужо падыходзіць гэты час, калі, можа быць, мы сумесна з вамі, з нашымі калегамі будзем абмяркоўваць і магчымасць, і неабходнасць гэтага. Я бачу, што гэта, напэўна, ужо трэба нам», — заявіў гендырэктар «Беларусьфільма».
У цэлым усё інтэрв'ю было прысвечана ідэалагічнаму складніку ў працы кінастудыі. Юрый Аляксей заявіў, што месца апазіцыянерам на «Беларусьфільме» няма.
«Безумоўна. Мы — «Беларусьфільм» — з нашым прэзідэнтам, з нашай дзяржавай, і мы, яшчэ раз я хачу сказаць, мы праводзім і палітыку нашай дзяржавы. Гэта адлюстроўваецца ў нашых фільмах як дакументальных, так і мастацкіх. Таму, я лічу, культура — неад'емная частка дзяржаўнай палітыкі», — сказаў ён.
Цяпер чытаюць
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х55
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х5
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары