У красавіку на экраны выйдзе «Чорны замак Альшанскі».
«Беларусьфільм» плануе выпусціць некалькі прэм'ер у 2024 годзе. Пра іх на прэс-канферэнцыі ў Нацыянальным прэс-цэнтры распавёў дырэктар кінастудыі Юрый Аляксей, паведамляе Reform.by.
Паводле яго слоў, здаць фільм «Чорны замак Альшанскі» па творы Уладзіміра Караткевіча плануюць у красавіку 2024 года. Цяпер ідзе мантаж і гукавое афармленне фільма.
Яшчэ адной прэм'ерай наступнага года будзе стужка «Казбек» пра партызанаў і пачатак аперацыі «Баграціён». Яе збіраюцца выпусціць 9 мая 2024 года.
Таксама ў новым годзе выйдзе фільм «Кіношнікі» Кірыла Халецкага. Яго плануюць паказаць на кінафестывалі «Лістапад».
Кінастудыя таксама прэзентуе стужкі пра Белавежскую пушчу і Бярэзінскі біясферны запаведнік.
«З дапамогай анімацыі ў гульнявой форме мы раскажам малодшаму пакаленню аб мемарыялах і сімвалах нашай краіны. Так мы зможам фармаваць свядомасць нашых дзяцей», — растлумачыў Аляксей.
У далейшых планах студыі фільм пра лётчыкаў Андрэя Нічыпорчыка і Мікіту Куканенку, якія разбіліся ў маі 2021 года ў Баранавічах.
Цяпер чытаюць
Лосік расказаў, як Бабарыку катавалі ў наваполацкай калоніі26
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1111
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х11
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары