Латвія цалкам гатова закрыць мяжу з Беларуссю ў выпадку масавага наплыву мігрантаў — прэзідэнт Рынкевіч
У выпадку масавага наплыву мігрантаў Латвія гатовая закрыць мяжу з Беларуссю, заявіў прэзідэнт Латвіі Эдгар Рынкевіч, сустрэўшыся ў аўторак у Рыжскім замку з міністрам абароны Нямеччыны Барысам Пісторыусам, піша Delfi.lv.
На сустрэчы абмяркоўваўся ўнёсак Нямеччыны ў бяспеку рэгіёна, а таксама патэнцыйныя рызыкі гібрыднай пагрозы на мяжы NATO.
Рынкевіч падзякаваў за ўдзел Нямеччыны ў гарантаванні бяспекі Балтыйскага рэгіёну і планы павелічэння колькасці Узброеных сіл і ў тым ліку пацвердзіў гатоўнасць Латвіі прыняць ратацыю баявых самалётаў у Ліелвардзе ў 2024 годзе.
Абмяркоўваючы патэнцыял гібрыдных нападаў на мяжы Латвіі з Беларуссю, Рынкевіч адзначыў, што Латвія гатовая зрабіць усе неабходныя захады, у тым ліку закрыць мяжу з Беларуссю і Расіяй.
Цяпер чытаюць
У базе сілавікоў «БЕСпарадкі» больш за 100 тысяч чалавек20
У базе сілавікоў «БЕСпарадкі» больш за 100 тысяч чалавек
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары