Грамадства1414

На паказах прапагандысцкага фільма «На іншым беразе» арганізоўваюць аншлагі, адміністрацыйны рэсурс ужо запушчаны

Упершыню выпушчанае «Беларусьфільмам» кіно «На іншым беразе» збіраюцца паказаць 14 верасня. Праўда, у многіх кінатэатрах за дзень да прэм'еры не набылі ніводнага квітка. Але аншлагі ўлады збіраюцца, як выглядае, забяспечыць даўно выпрабаваным метадам. Напрыклад, студэнтаў біялагічнага факультэта БДУ куратары папярэдзілі яшчэ ўчора: у чацвер усе разам ідуць глядзець кіно, піша «Люстэрка».

Адна са студэнтак расказала «Люстэрку», што ісці на прагляд фільма абавязваюць студэнтаў першага, другога і трэцяга курсаў. Ад заняткаў іх вызваляюць, але квіткі, што каштуюць 6 рублёў, маюць набываць за свой кошт. Мабыць, усіх не будуць накіроўваць у адзін дзень, а дзяліць патэнцыйную аўдыторыю на часткі.

Адносна стаўлення да гэтага яе і аднакурснікаў дзяўчына адказала проста:

«Нас ужо нічога не здзіўляе. Хутчэй, некаторыя шкадуюць, што марна патрацяць час. Некаторыя абмяркоўвалі паміж сабой, ці можна будзе купіць квіток і пайсці дадому. Але так як для гэтага спецыяльна вызваляюць ад пар, то пайсці наўрад ці атрымаецца».

У іншых студэнтаў БДУ кінапрагляд запланаваны на 19 верасня, піша тэлеграм-канал «Беларусь галаўнога мозга». Грошы на квіток трэба здаць загадзя. Прагляд запланаваны ў кінатэатры «Кастрычнік», у сувязі з гэтым адмяняюцца заняткі на чацвёртай і пятай пары. За пропуск можна апраўдацца квітком з напісаным на ім прозвішчам, а бонусам тым, хто на фільм пайшоў, мае быць адпрацоўка дзвюх пар фізкультуры.

У прыёмнай прарэктара БДУ па выхаваўчай рабоце і сацыяльных пытаннях, куды журналістка «Люстэрка» дазванілася як нібыта студэнтка, нават не пыталіся пра факультэт і таго, што ісці ў кінатэатр трэба па загадзе зверху, не адмаўлялі. На пытанне, што рабіць, калі ісці не атрымліваецца з асабістых прычын, там сказалі, што трэба мець нейкія апраўдальныя дакументы:

«Калі ў вас ёсць прычына, напрыклад, на той час, калі будзе ісці фільм, будзе афіцыйны талон да лекара, то вы потым яго пакажаце тым, хто складае спісы [тых, хто ідзе ў кіно]. І думаю, нармальна ўсё будзе».

Фільм «На іншым беразе» зняты па сцэнарыі Івана Крываручкі, а рэжысёрам-пастаноўшчыкам карціны выступіў Андрэй Хрулёў.

У аснове сюжэта фільма — падзеі 1925 года, калі пасля падпісання мірнай Рыжскай дамовы заходняя частка Беларусі трапіла пад уладу Польшчы.

Яго галоўныя героі — родныя браты, якія родам з-пад Стоўбцаў. Павел Смоліч жыве са сваёй маці ў Заходняй Беларусі недалёка ад мяжы з БССР, а ягоны старэйшы брат Антон дзейнічае ў антыпольскай савецкай партызанцы.

Вядома, што на гэтае кіно патрацілі амаль 4 млн рублёў, на кінастудыі яго называюць нацыянальным праектам года. 

Каментары14

  • Федзя
    13.09.2023
    Скажите спасибо своим папам и мамам, бабушкам и дедушкам за колхозный выбор 1994 года.
  • Kotya
    13.09.2023
    Пару дней назад видела что в Могилёве нет билетов уже, сразу подумала что бюджетников заставили купить билеты или выкупают организации и заставляют идти на это ..
  • 123
    13.09.2023
    Федзя, насколько я вижу, уже многие из тех выборщиков умудряются объявлять себя жертвами (некой) манипуляции, а не причиной преступления (в силу безмозглости и малодушия, при чем малодушия в первую очередь), стараясь на что угодно спихнуть вину и ответственность

Цяпер чытаюць

Памятаеце старажытны шлем з Бабруйска, які Марзалюк абвясціў шлемам сына Рагнеды? Вось што пра яго даведаліся навукоўцы

Памятаеце старажытны шлем з Бабруйска, які Марзалюк абвясціў шлемам сына Рагнеды? Вось што пра яго даведаліся навукоўцы

Усе навіны →
Усе навіны

Віктар Ганчарэнка другі год запар прывёў свой клуб да вылету з расійскай прэм'ер-лігі2

Пад Масквой гарыць прадпрыемства, дзе робяць гумовую прадукцыю ВІДЭА

Унікальная магчымасць пабачыць рэчы Барбары Радзівіл і «Бітву пад Оршай»

«Не хацеў трапіць пад патэнцыйную мабілізацыю». Кім адчувае сябе беларуская моладзь за мяжой і як шукае сябе2

Рускамірная актывістка Эльвіра Мірсалімава вінаваціць віцебскія ўлады ў «змагарстве»5

«За паўтара года я ператварылася ў гародніну». Фітнэс-трэнерка захварэла на Балі на невядомую хваробу22

У магілёўскім скверы паставілі экспазіцыю з трох металічных шароў ФОТЫ3

Беларуска паскардзілася, што ў пашпарце яе дачкі не напісалі імя так, яна хацела — Estelle Thandie13

У Пінску дажджом затапіла рынак. Праблема існуе даўно, але не вырашаецца1

больш чытаных навін
больш лайканых навін

Памятаеце старажытны шлем з Бабруйска, які Марзалюк абвясціў шлемам сына Рагнеды? Вось што пра яго даведаліся навукоўцы

Памятаеце старажытны шлем з Бабруйска, які Марзалюк абвясціў шлемам сына Рагнеды? Вось што пра яго даведаліся навукоўцы

Галоўнае
Усе навіны →

Заўвага:

 

 

 

 

Закрыць Паведаміць