Здарэнні99

«Высушым, памыем. Затое чысценькі будзе». Жыхарка Салігорска апублікавала відэа са здзекамі з сабакі

«Сёння да мяне ў рукі трапіла адно відэа, характар якога мяне проста дзівіць». З такімі словамі на сайт Slutsk-Gorod.by звярнуўся жыхар Слуцка, даслаўшы рэдакцыі спасылку на адпаведны ролік.

Здымак ілюстрацыйны. Фота: diary.ru

Як высветлілася, ролік у сацыяльнай сетцы TikTok апублікавала 17-гадовая салігарчанка ў студзені гэтага года.

На відэа з подпісам «Касманаўт пральнай машыны», якое набрала крыху больш за 140 праглядаў, хтосьці садзіць сабаку, як мяркуецца, у пральную машыну і закрывае люк. Затым тэхніку ўключаюць і барабан пачынае круціцца разам з жывёлай на працягу некалькіх секунд.

За кадрам чуецца жаночы смех нават у момант, калі працэс спынілі, але люк так і не змаглі адкрыць. У ванным пакоі, дзе адбывалася ўсё дзеянне, прысутнічала малое дзіця, якое са шкадаваннем гладзіла шкло дзверцаў машыны. Напалоханы сабака глядзеў на людзей, скуголіў, але яго ніхто не змог выпусціць.

«Адчыняй машыну. Машына даражэй каштуе, чым сабака», — сказала прысутная ў ваннай жанчына. — «Гэта вызначэнне вагі было (гаворка пра працоўны працэс машыны. — Заўв. рэд.) Потым яна набірала б ваду і прала б».

«Высушым, памыем. Затое чысценькі будзе», — з усмешкай адказвае жаночы голас за кадрам.

Што было далей з жывёлай і як хутка яе змаглі дастаць з пральнай машыны, так і не зразумела.

Начальнік ДУ «Слуцкая гарветстанцыя» Вадзім Максімчык, да якога рэдакцыя выдання звярнулася па каментар адносна таго, што адбывалася, сказаў, што дзеянні гэтыя відавочна рабіліся супраць волі жывёлы, сабака напалоханы, і, без сумневаў, яму былі прычыненыя пакуты. Таму дзеянні ўдзельнікаў падзей цалкам можна расцэньваць як жорсткае абыходжанне з жывёлай, што з'яўляецца прамым парушэннем закона.

Каментары9

  • ром
    29.08.2023
    Беларуски мир!!! Сабака то яшчэ пау бяды))). Знаю выпадак кали чуть дзите у машыну не засунули и не уключыли🤣
  • Biełaruski honar
    29.08.2023
    mikola, Pierakład na biełaruskuju movu: "Varjatka. Chvora na halavu." Pišycie pa-bielarusku, a nie pa-mikolsku. Piśmiennaść jość honar biełarusaŭ.
  • Гэта ня жарт
    29.08.2023
    Сур'ёзны папераджальны прыкмета псыхозу. Многія серыйныя забойцы спачатку дрэнна абыходзіліся з жывёламі, а потым зь людзьмі.

Цяпер чытаюць

«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37

«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі

Усе навіны →
Усе навіны

На Міншчыне заўважылі два магчымыя тарнада

«Я страціла сэнс жыцця». Спявачцы Рыце Дакота забаранілі выступаць у Расіі30

У Будславе археолагі адкапалі старажытны падмурак касцёла

Былы беларускі ваяр суткі катаваў свайго сябра, а пасля забіў сябе40

Сёлета кляшчы кусаюць беларусаў амаль на 11% часцей, чым летась

Столькі праблем, а тут Стрыжак з яго падлеткавымі гульнямі40

Катар прыгразіў Еўропе скарачэннем паставак газу3

Колькасць пацверджаных расійскіх ваенных страт перавысіла 120 тысяч чалавек12

У цэнтры Брэста паставілі гіганцкі помнік гузіку9

больш чытаных навін
больш лайканых навін

«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37

«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі

Галоўнае
Усе навіны →

Заўвага:

 

 

 

 

Закрыць Паведаміць