«Vysušym, pamyjem. Zatoje čyścieńki budzie». Žycharka Salihorska apublikavała videa sa ździekami z sabaki
«Siońnia da mianie ŭ ruki trapiła adno videa, charaktar jakoha mianie prosta dzivić». Z takimi słovami na sajt Slutsk-Gorod.by źviarnuŭsia žychar Słucka, dasłaŭšy redakcyi spasyłku na adpaviedny rolik.
Jak vyśvietliłasia, rolik u sacyjalnaj sietcy TikTok apublikavała 17-hadovaja saliharčanka ŭ studzieni hetaha hoda.
Na videa z podpisam «Kasmanaŭt pralnaj mašyny», jakoje nabrała krychu bolš za 140 prahladaŭ, chtości sadzić sabaku, jak miarkujecca, u pralnuju mašynu i zakryvaje luk. Zatym techniku ŭklučajuć i baraban pačynaje krucicca razam z žyviołaj na praciahu niekalkich siekund.
Za kadram čujecca žanočy śmiech navat u momant, kali praces spynili, ale luk tak i nie zmahli adkryć. U vannym pakoi, dzie adbyvałasia ŭsio dziejańnie, prysutničała małoje dzicia, jakoje sa škadavańniem hładziła škło dźviercaŭ mašyny. Napałochany sabaka hladzieŭ na ludziej, skuholiŭ, ale jaho nichto nie zmoh vypuścić.
«Adčyniaj mašynu. Mašyna daražej kaštuje, čym sabaka», — skazała prysutnaja ŭ vannaj žančyna. — «Heta vyznačeńnie vahi było (havorka pra pracoŭny praces mašyny. — Zaŭv. red.) Potym jana nabirała b vadu i prała b».
«Vysušym, pamyjem. Zatoje čyścieńki budzie», — z uśmieškaj adkazvaje žanočy hołas za kadram.
Što było dalej z žyviołaj i jak chutka jaje zmahli dastać z pralnaj mašyny, tak i nie zrazumieła.
Načalnik DU «Słuckaja harvietstancyja» Vadzim Maksimčyk, da jakoha redakcyja vydańnia źviarnułasia pa kamientar adnosna taho, što adbyvałasia, skazaŭ, što dziejańni hetyja vidavočna rabilisia suprać voli žyvioły, sabaka napałochany, i, biez sumnievaŭ, jamu byli pryčynienyja pakuty. Tamu dziejańni ŭdzielnikaŭ padziej całkam možna rasceńvać jak žorstkaje abychodžańnie z žyviołaj, što źjaŭlajecca pramym parušeńniem zakona.
Ciapier čytajuć
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?3
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić66
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić6
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Kamientary