Не спадабаўся брэх: мужчына стрэліў з пісталета ў сабаку, а потым у яго гаспадара
Дазволу на зброю ў стралка не было. Яму пагражае да 10 гадоў пазбаўлення волі.
Не спадабаўся брэх: мужчына стрэліў з пісталета ў сабаку і яго гаспадара, піша Tochka.by.
У аграгарадку Гараны Полацкага раёна ў сабаку і яго гаспадара страляў незнаёмы мужчына. Пацярпелы адразу пасля таго, што здарылася, звярнуўся ў міліцыю.
Як аказалася, гаспадар чатырохлапага сябра, пакуль быў у двары прыватнага дома, пачуў з боку вуліцы нямоцны гук. Калі мужчына падышоў да брамы разабрацца, што здарылася з сабакам, незнаёмы чалавек стрэліў яму ў твар з газавага пісталета.
Міліцыя хутка ўстанавіла асобу стралка. Той патлумачыў учынак тым, што сабака брахаў, калі ён праходзіў міма. Ён спалохаўся і стрэліў у яго з газавага пісталета.
На зброю ў мужчыны дазволу не было. І, як высветлілася, раней ён ужо быў судзімы. На яго завялі крымінальную справу.
За такое хуліганства пагражае да 10 гадоў пазбаўлення волі.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары