«Вашы пакуты прынясуць плён» — Лех Валэнса звярнуўся да беларусаў
На просьбу праваабарончага цэнтра «Вясна» ў Дзень салідарнасці з грамадзянскай супольнасцю Беларусі са зваротам да беларусаў выступіў экс-прэзідэнт Польшчы Лех Валэнса, лаўрэат Нобелеўскай прэміі міру 1983 года, адзін з заснавальнікаў і лідар грамадскага руху «Салідарнасць».
«Нам давялося жыць, калі мяняюцца эпохі. Людзі змагаюцца за гэтую новую эпоху, але старая абараняе сябе. Многія людзі сёння пакутуюць у турмах і рознымі іншымі спосабамі. Я таксама прайшоў праз гэта ў былыя часы. Я гэта разумею. Падбадзёрваю, такія прыклады патрэбныя. Вашы пакуты прынясуць плён. Так што вытрымайце яшчэ трохі. І свет будзе заўважаць вашу адданасць усё больш і больш. І ён усё больш і больш заўважае, што вы знаходзіцеся на правільным баку. Прыйдзе дзень — свабода для вас, справядлівасць і мір для свету. Я ў гэта веру, я за гэта змагаўся. Я сёння менш пакутую, а вы больш пакутуеце. Але я памятаю пра вас. Я памятаю. Я буду рабіць усё, каб паскорыць гэтыя вызваленчыя працэсы», — сказаў Лех Валэнса.
Арыштаваны дырэктар Палаца Рэспублікі, адзін з арганізатараў Марафона адзінства9
Каментары