У тройку найменш стрэсавых аэрапортаў свету ўвайшоў адзін добра знаёмы беларусам
Наведванне аэрапорта ў Вільні выклікае ў пасажыраў вельмі мала стрэсу ў параўнанні з большасцю іншых, піша часопіс Condé Nast Traveler, які цытуе Thinktanks.by.
Ніводзін аэрапорт не ідэальны. Доўгія чэргі, загружаныя тэрміналы і затрымкі — гэта тое, што мы прызвычаіліся ад іх чакаць. Але аэрапорты з годнай прапановай ежы, блізкасцю да цэнтра горада і таннай паркоўкай дапамагаюць стварыць менш стрэсавае асяроддзе для ўваходу ў рэжым адпачынку, піша часопіс Condé Nast Traveler.
Звесткі для сусветнага рэйтынгу аэрапортаў паводле ўзроўню стрэсавасці збіралі эксперты ў арэндзе аўтамабіляў для продажу на StressFreeCarRental.com.
Крытэрыі ўключаюць у сябе статыстыку аб агульнай колькасці пасажыраў за год, адлегласці ад цэнтра горада, плаце за паркоўку аўтамабіля на працягу аднаго тыдня, агульнай колькасці рэстаранаў і рэйтынгу якасці (узята з водгукаў аэрапортаў Flight Radar сайта адсочвання рэйсаў у рэальным часе аб пасажырах, якія падарожнічалі ў кожны аэрапорт і з яго).
Кожнаму фактару прысвойваўся бал ад 1 да 10, які падсумоўваўся для кожнага аэрапорта, каб атрымаць агульную колькасць балаў. Віленскі міжнародны аэрапорт у Літве апынуўся на трэцім месцы ў рэйтынгу. У часопісе паказалі наступныя яго характарыстыкі:
- Колькасць пасажыраў у 2022 годзе: 3 915 960 чалавек.
- Адлегласць ад цэнтра горада (км): 6,4
- Плата за паркоўку за адзін тыдзень (€): 45,5
- Колькасць рэстаранаў: 10
- Рэйтынг з 100%: 80
Лепшымі за аэрапорт, які беларусы калісьці называлі «Мінск-3», аказаліся паводле гэтага рэйтынгу толькі два аб'екты: аэрапорт Білуна ў Даніі і Люксембургскі аэрапорт.
Топ-10 найменш стрэсавых аэрапортаў свету па версіі Condé Nast Traveler выглядае так:
1) аэрапорт Білуна (Данія);
2) аэрапорт Люксембурга (Люксембург);
3) Віленскі аэрапорт (Літва);
4) аэрапорт Меноркі (Іспанія);
5) аэрапорт Гановера (Германія);
6) аэрапорт Ньюкасла (Вялікабрытанія);
7) аэрапорт Корфу (Грэцыя);
8) аэрапорт Транхейма (Нарвегія);
9) аэрапорт Турына (Італія);
10) аэрапорт Кальяры на Сардзініі (Італія).
Чытайце таксама:
Вільня ці Варшава? Беларусы пра плюсы і мінусы жыцця ў гэтых сталіцах
Зяленскі ў Вільні спыняўся ў гатэлі «Нарач»
Лукашэнка пажадаў калектыву Нацыянальнага аэрапорта чыстага блакітнага неба. Як кажуць, ёсць нюанс
«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію28
Каментары