Лукашэнка стаў выкручвацца ў адказ на пытанні Бі-бі-сі пра сённяшні стан Калеснікавай і іншых палітвязняў
Журналісты Бі-бі-сі падчас сённяшняй сустрэчы з Лукашэнкам уступілі з ім у адкрытую спрэчку наконт палітвязняў, іх колькасці і доўгай адсутнасці сувязі з многімі з іх. Агенцтва распавяло, што той на гэта адказаў.
Агенцтва Бі-бі-сі апублікавала артыкул, у якім распавядае пра сённяшнюю размову паміж яго журналістамі з Аляксандрам Лукашэнкам наконт «Вагнера», ядзернай зброі і лёсу палітвязняў.
Журналіст Стыў Розенберг задаў яму адкрытае пытанне аб цяперашнім стане Марыі Калеснікавай, з якой ужо доўгі час няма ніякай сувязі, і пра тое, па якой прычыне да яе не пускаюць адваката.
«На працягу некалькіх месяцаў сваякам і адвакатам Марыі Калеснікавай адмаўляюць у доступе да яе ў турме. Чаму так адбываецца?» — спытаў Розенберг.
«Я нічога пра гэта не ведаю», — адказаў Лукашэнка.
Журналіст таксама задаў Лукашэнку пытанне наконт усіх астатніх палітвязняў і пры гэтым адзначыў, што з моманту іх мінулай размовы колькасць толькі прызнаных праваабаронцамі палітвязняў павялічылася амаль удвая.
Вось які на гэта прагучаў адказ.
«У нашым Крымінальным кодэксе няма артыкула за палітычныя злачынствы», — сказаў Лукашэнка.
«Але ж адсутнасць палітычных артыкулаў не азначае, што палітвязняў таксама няма», — запярэчыў Розенберг.
«Асуджаныя не могуць быць палітвязнямі, калі няма адпаведных артыкулаў», — упёрся ў адказ Лукашэнка.
Нагадаем, што масавыя палітычныя рэпрэсіі ў Беларусі працягваюцца з 2020 года, калі Аляксандр Лукашэнка, мяркуючы па звестках з участкаў, дзе выбарчыя камісіі дазволілі назіральнікам сачыць за падлікам галасоў, прайграў Святлане Ціханоўскай, але не аддаў уладу.
З 2022 года, пасля поўнамаштабнага нападу Расіі на Украіну, беларусаў пачалі пераследаваць і за антываенныя выказванні або сімпатыі да Украіны.
За гэты час у краіне адбылося не менш за 50 тысяч палітычна матываваных затрыманняў, заведзена не менш за 12 тысяч палітычна-крымінальных спраў. Сувязі з некаторымі вязнямі няма месяцамі.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5959
Каментары