У Германіі выйшла кніга пра беларускага ката з ірландскім іменем
Аўтарка — 52-гадовая Брыта Шмідэр — прывезла гадаванца 5 гадоў таму з мінскага прытулку.
Жыхарка камуны Графрат у нямецкай зямлі Баварыя напісала кнігу пра беларускага ката з ірландскім імем. Пра гэта паведамляе сайт «Беларусь і свет» са спасылкай на выданне merkur.de.
Кніга пад назвай «Добра, што я тут: дзённік ката О'Мэлі» выйшла 15 студзеня 2023 года. Томік у мяккай вокладцы аб'ёмам 105 старонак прадаецца за 15 еўра.
Аўтарка — 52-гадовая Брыта Шмідэр — прывезла гадаванца 5 гадоў таму з мінскага прытулку. Па яе словах, збіралася ўзяць іншага, таксама шэра-белай афарбоўкі, але, калі прыехала, яго ўжо не было.
Жанчыне прапанавалі іншага — таксама шэра-белага, паколькі так было пазначана ў дакументах. Яна пагадзілася. Так і атрымала ў доме новага жыхара — О'Мэлі.
Сама кніга пачалася з фотаздымкаў. Брыта рабіла здымкі ката ў розных цікавых сітуацыях, а затым прыдумляла да іх пацешныя гісторыі ад яго імя.
Спачатку яна выкладвала гэтыя міні-апавяданні ў блогу на сваім інтэрнэт-сайце. Чытачы іх ацанілі, і ў нейкі момант узнікла ідэя аформіць гісторыі пра прыгоды О'Мэлі ў кнігу.
Цяпер чытаюць
Пад Слуцкам падчас нелегальных гонак жонка накіравала Range Rover у Subaru мужа. Цяжка пацярпелі чацвёра1
Пад Слуцкам падчас нелегальных гонак жонка накіравала Range Rover у Subaru мужа. Цяжка пацярпелі чацвёра
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары