У Радзе нацыянальнай бяспекі і абароны Украіны заявілі, што прэзідэнт Уладзімір Зяленскі возьме ўдзел у сустрэчы лідараў G7 у анлайн-рэжыме. Раней сакратар РНБА Аляксей Данілаў намякаў, што Зяленскі будзе ў Японіі асабіста.
Прэс-служба РНБА паведаміла, што прэзідэнт Украіны возьме ўдзел у сустрэчы лідараў G7 у Японіі ў анлайн-рэжыме, піша «Украінская праўда».
«Хто б сумняваўся, што наш прэзідэнт там (на саміце G7) не будзе прысутнічаць. Мы ўпэўненыя, што наш прэзідэнт будзе знаходзіцца там, дзе трэба, у любым пункце свету, каб вырашаць пытанні ўстойлівасці нашай краіны.
Там будуць прымацца вельмі важныя рашэнні, таму менавіта фізічная прысутнасць нашага прэзідэнта абсалютна важная для таго, каб адстойваць менавіта нашы інтарэсы — агучваць выразныя прапановы і выразную аргументацыю па тых падзеях, што адбываюцца на тэрыторыі нашай краіны», — казаў раней Аляксей Данілаў.
Цяпер чытаюць
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»2222
Каментары