У Мінску не дазволілі шэсце «Несмяротнага палка», але яго правёў Свята-Елісавецінскі манастыр
Сёлета Мінгарвыканкам не дазволіў правесці ў Мінску акцыю «Несмяротны полк». Але прарасійскіх актывістаў узяў пад крыло Свята-Елісавецінскі манастыр, вядомы сваёй падтрымкай вайны ва Украіне і зборам сродкаў для акупантаў.
На відэа, якое апублікавў тэлеграм-канал «Хрысціянская візія», відаць шэсце, якое аб'ядноўвае ў сабе хрэсны ход і шэсце прарасійскіх актывістаў: з крыжамі, іконамі, расійскім сцягам з літарай Z і сцягам НОДа. Усё гэта прайшло пад песню «Кацюша»
У Расіі прыдуманая журналістамі акцыя «Несмяротны полк» была перанятая дзяржавай і ператварылася з сацыяльнай у прапагандысцкую акцыю з элементамі шапіто: удзельнікі ходзяць з партрэтамі загінулых ва Украіне, ныраюць з імі ў вадаёмы і ладзяць акцыі ў Афрыцы.
Каментары