Прыгожын заявіў, што вагнераўцам паабяцалі даць боепрыпасы ў неабходнай колькасці і Суравікіна
ПВК «Вагнер» атрымае неабходныя снарады, заявіў Яўген Прыгожын.
Паводле яго заявы, ноччу вагнераўцы атрымалі баявое распараджэнне.
«Нам абяцаюць даць боепрыпасаў і ўзбраення столькі, колькі нам патрабуецца для працягу далейшых дзеянняў. Нам клянуцца, што на флангу будзе выстаўлена ўсё, каб нас не падрэзаў праціўнік. Нам кажуць пра тое, што мы можам дзейнічаць у Арцёмаўску так, як лічым патрэбным, і нам даюць Суравікіна як чалавека, які будзе прымаць усе рашэнні ў рамках баявых дзеянняў ПВК «Вагнер» ва ўзаемадзеянні з Міністэрствам абароны», — заявіў Прыгожын.
Паводле Прыгожына, Суравікін — «адзіны чалавек з зоркаю генерала арміі, які ўмее ваяваць».
Сяргей Суравікін узначаліў групоўку войскаў у пачатку кастрычніка. Адразу пасля гэтага пачалася тактыка масіраваных ракетных абстрэлаў. У студзені камандуючым так званай Аб’яднанай групоўкай войскаў прызначаны начальнік Генштаба генерал арміі Валерый Герасімаў.
Чытайце таксама:
Залужны даў ацэнку Суравікіну: Звычайны дзяржыморда
Каманда Навальнага выпусціла расследаванне «Як Суравікін зарабляе на вайне»
Каментары