КДК затрымаў службовых асоб пяці кампаній, якія займаліся пастаўкамі лекаў і медабсталявання
Камітэт дзяржкантролю заявіў, што затрымаў службовых асоб пяці прыватных кампаній, якія пастаўлялі медыцынскія і фармацэўтычныя тавары ва ўстановы аховы здароўя. Колькасць затрыманых і назвы кампаній пакуль не паведамляюцца.
Паводле КДК, работнікі прыватных кампаній дамаўляліся з замежнымі вытворцамі тавараў аб іх пастаўцы на тэрыторыю Рэспублікі Беларусь на адрас беларускіх субʼектаў гаспадарання праз фальшывых пасрэднікаў. Дакументальна пастаўка афармлялася праз падкантрольныя замежныя арганізацыі. Тыя ж у сваю чаргу, павялічваючы цану на тавары па асобных пазіцыях у 4-5 разоў, рэалізоўвалі яе беларускім кампаніям.
У выніку розніца ў цэнах асядала на рахунках замежных фірмаў-пасрэднікаў, падкантрольных беларускім кампаніям.
Прычыненая дзяржаве шкода ў выглядзе нявыплачаных падаткаў склала больш за 8,9 млн. руб, паведамляе КДК.
У дачыненні да заснавальнікаў і кіраўнікоў кампаній распачатыя крымінальныя справы.
Пры гэтым двое з фігурантаў былі затрыманыя ў пункце пропуску «Лоша» пры спробе выехаць за мяжу.
Падазраваныя далі прызнальныя паказанні і садзейнічаюць у расследаванні крымінальных спраў, паведамляе КДК.
У падазраваных канфіскавана больш за 250 тыс. даляраў ЗША і 55 тыс. еўра. На маёмасць падазраваных, у тым ліку абʼекты нерухомасці і аўтамабілі, накладзены арышт.
Цяпер чытаюць
Пад Слуцкам падчас нелегальных гонак жонка накіравала Range Rover у Subaru мужа. Цяжка пацярпелі чацвёра1
Пад Слуцкам падчас нелегальных гонак жонка накіравала Range Rover у Subaru мужа. Цяжка пацярпелі чацвёра
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары