Дэпутаты ад Аўстрыйскай партыі свабоды выйшлі з залы парламента падчас выступу Зяленскага
Дэпутаты парламента Аўстрыі ад права-папулісцкай Партыі свабоды, вядомай сувязямі з Крамлём, у чацвер дэманстратыўна выйшлі з залы падчас выступу прэзідэнта Украіны Уладзіміра Зяленскага.
Перад выступам Зяленскага па відэасувязі фракцыя Партыі свабоды заявіла, што ён парушае нейтралітэт Аўстрыі.
Аўстрыя, чый нейтральны статус быў замацаваны ў Канстытуцыі пасля Другой сусветнай вайны, не дапамагае Украіне зброяй і боепрыпасамі, але аказвае гуманітарную і фінансавую дапамогу.
У 2018 годзе расійскі прэзідэнт Уладзімір Пуцін прыязджаў на вяселле міністра замежных спраў ад Партыі свабоды Карын Кнайсль і танцаваў там з нявестай. Пазней Кнайсль атрымала месца ў радзе дырэктараў «Раснафты».
У наступным годзе Партыю свабоды выгналі з урадавай кааліцыі праз скандал з відэазапісам, на якім лідар партыі Хайнц-Крысціян Штрахе ў размове з падстаўной «пляменніцай кіраўніка расійскай газавай кампаніі» выказаў гатоўнасць дапамагчы расіянам у атрыманні кантрактаў у Аўстрыі за вялікі ўнёсак у партыйную касу.
Цяпер чытаюць
Лукашэнка: Што творыцца ў краіне, у нас усе гэтую гусь круцяць31
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5858
Каментары
Играть в халву довольно просто
надев на голову мешок
пугать соседей глупым видом
и диким криком я халва
З павагай, Ваш Старкоў