Эканоміка55

Галоўчанка выпраменьвае аптымізм: санкцыі аказваюць прамы блакуючы ўплыў толькі на 25% эканомікі Беларусі

Прэм’ер-міністр Раман Галоўчанка 11 сакавіка ў праграме «Вопрос номер один» на тэлеканале «Беларусь 1» расказаў пра тое, як цяпер пачувае сябе беларуская эканоміка. Паводле яго слоў, «прамы блакуючы ўплыў» абмежавальныя меры аказваюць на 25% беларускай эканомікі, астатняя знаходзіцца «пад ускосным уздзеяннем санкцый».

І хоць галіны, якія трапілі «пад самыя жорсткія санкцыі», працягваюць адчуваць «пэўныя цяжкасці», тым не менш Галоўчанка не траціць аптымізму: 

«Нават не цэлы год, а, напэўна, дзевяць-дзесяць месяцаў было адведзена на тое, каб мы разрулілі асноўныя пытанні і не дазволілі спраўдзіцца тым прагнозам, якія давалі аўтарытэтныя міжнародныя арганізацыі з вялікім штатам адмыслоўцаў, што могуць аналізаваць усё на свеце, — сказаў чыноўнік. — Гэтыя штаты адмыслоўцаў, як вы памятаеце, нам напрагназавалі: самае песімістычнае — 20% падзення [эканомікі], самае аптымістычнае — 8%. Дзякуй богу, мы спрацавалі лепш, чым самы аптымістычны [сцэнарый]».

Паводле слоў Галоўчанкі, «эканоміка ў цэлым спраўлялася з тымі выклікамі, якія ёй былі падкінутыя летась». А фінансавыя вынікі ўвогуле цудоўныя:

«Бо ў нас рэнтабельнасць продажу па эканоміцы, здаецца, 8,9% — рэкорд за дзесяць гадоў. Так, дапамаглі высокія сусветныя цэны. Але толькі дапамаглі, усё астатняе зрабілі самі нашы людзі і нашы прадпрыемствы. У нас гістарычна лепшае сальда знешняга гандлю, напэўна, гэта таксама нядрэнны вынік у гэтых умовах, ніхто такога не чакаў».

Павысіўся, паводле слоў Галоўчанкі, і аперацыйны даход у прадпрыемстваў, знізілася і сумарная падатковая нагрузка на 50%, і «гэта адзін з найлепшых паказчыкаў за ўсе гады».

У 2022 годзе ВУП Беларусі знізіўся на 4,7%. На 2023-і прырост гэтага паказчыка запланаваны на ўзроўні 3,8%.

Каментары5

  • Сынок
    12.03.2023
    Угалоўчанка знайшоў пазітыў у санкцыях супраць хунты? Можам паўтарыць (с)
  • Hor
    12.03.2023
    Заметно,людей нет,все работают на две ставки,а получат за совмещение меньше половины ставки.
  • Не стыдно ???
    12.03.2023
    Головченко, а что скажешь о тотальных сокращениях работяг на госах и подготовке
    тотального сокращения на БелЖд, но с параллельным раздуванием финансирования
    красауцау и увеличением количества чиновничьих должностей и кабинетов на тех же
    госах , с трудоустройством любовниц, жён, дочерей красауцау в госы ???
     Это тоже благо и укрепление благополучия ???
    Это - ПИЛИЛОВО бюджетных денег семьями чинуш и красауцау ......

Цяпер чытаюць

Пад Мінскам адбыўся магутны выбух на газавым трубаправодзе7

Пад Мінскам адбыўся магутны выбух на газавым трубаправодзе

Усе навіны →
Усе навіны

Беларуска абурылася коштам лісічак у 55 рублёў за кілаграм3

Сярэдні заробак «бруднымі» складае 911 даляраў4

Адначасова дзве аварыі пад Мінскам, пацярпелі некалькі чалавек. Людзі кажуць пра зачараваны ўчастак трасы

«Пакуль не чуў, каб беларусаў дэпартавалі». Амерыканскі адвакат пра міграцыйную палітыку ЗША пры Трампе2

Купалаўскі тэатр прапаноўвае новую паслугу: цяпер там можна пабрацца шлюбам13

Крутога айцішніка, які вярнуўся з Грузіі, асудзілі па чатырох палітычных артыкулах10

У Амурскай вобласці Расіі разбіўся самалёт з 49 чалавекамі на борце

Два малыя браты атрымалі моцныя апёкі пры распальванні лазні

Ходзіць легенда, што Озі Осбарн адкусіў галаву жывому кажану. А што ж адбылося насамрэч?2

больш чытаных навін
больш лайканых навін

Пад Мінскам адбыўся магутны выбух на газавым трубаправодзе7

Пад Мінскам адбыўся магутны выбух на газавым трубаправодзе

Галоўнае
Усе навіны →

Заўвага:

 

 

 

 

Закрыць Паведаміць