Міжнародны алімпійскі камітэт (МАК) не плануе адмяняць санкцыі, якія дзейнічаюць у дачыненні да Расіі і Беларусі. Пра гэта ў сераду паведамляе прэс-служба МАК.
«МАК беспрэцэдэнтным чынам ужыў санкцыі ў дачыненні да Расіі і Беларусі: адсутнасць міжнародных спартыўных мерапрыемстваў, адсутнасць сцягоў, гімнаў або іншых нацыянальных сімвалаў, нядопуск урадавых або дзяржаўных чыноўнікаў на якія-небудзь міжнародныя спартыўныя мерапрыемствы, — гаворыцца ў паведамленні МАК. — Санкцыі былі ўведзеныя ў дзеянне ў лютым 2022 года, а затым былі дадаткова ўзмоцненыя і пацверджаныя Алімпійскім самітам 9 снежня 2022 года. Яны застаюцца ў сіле».
У МАК адзначылі, што арганізацыя застаецца прыхільнай ідэі аб'яднання свету праз спорт. «Пачынаючы са старажытных Алімпійскіх гульняў нашай місіяй заўсёды было спрыяць міру праз спорт, МАК па гэты дзень застаецца прыхільным місіі па аб'яднанні ўсяго свету ў мірным спаборніцтве. Намаганні па мірабудаўніцтве маюць патрэбу ў дыялогу. Спаборніцтвы са спартсменамі, што паважаюць алімпійскую хартыю, могуць паслужыць каталізатарам дыялогу, які заўсёды з'яўляецца першым крокам да дасягнення міру», — гаворыцца ў заяве.
У канцы лютага 2022 МАК рэкамендаваў міжнародным федэрацыям не дапускаць беларусаў і расіян да ўдзелу ў спаборніцтвах у сувязі з вайной ва Украіне. 25 студзеня 2023 года ён выступіў з новай рэкамендацыяй, прапанаваўшы дапусціць да міжнародных спаборніцтваў у нейтральным статусе спартсменаў, якія не бяруць актыўнага ўдзелу ў падтрымцы вайны.
Цяпер чытаюць
Вось якое хараство за 40 мільёнаў даляраў прадае сябар-трэнер Лукашэнкі1
Вось якое хараство за 40 мільёнаў даляраў прадае сябар-трэнер Лукашэнкі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2828
Каментары