«Сіл больш няма». Прэм'ер-міністр Новай Зеландыі Джасінда Ардэрн абвясціла аб адстаўцы
Прэм'ер-міністр Новай Зеландыі Джасінда Ардэрн абвясціла, што сыдзе з пасады прэм'ер-міністра Новай Зеландыі ў наступным месяцы. У эмацыйным выступе яна прызналася, што ў яе больш няма сіл працаваць на гэтай пасадзе, піша Бі-бі-сі.
42-гадовая Ардэрн сказала, што амаль шэсць цяжкіх год на месцы прэм'ера моцна яе выматалі.
Яна сыдзе з пасады лідара Лейбарысцкай партыі не пазней за 7 лютага. У блізкім часе адбудзецца галасаванне, каб вызначыць яе замену.
14 кастрычніка ў Новай Зеландыі пройдуць усеагульныя выбары.
Спадарыня Ардэрн сказала, што абдумвала сваю будучыню падчас летніх вакацый.
«Я спадзявалася, што знайду неабходныя сілы, каб працягваць працаваць, але, на жаль, не знайшла. Я акажу Новай Зеландыі мядзведжую паслугу, калі буду працягваць», — сказала яна.
Джасінда Ардэрн стала самай маладой жанчынай — кіраўніком урада ў свеце, калі ў 2017 годзе яе абралі прэм'ер-міністрам, тады ёй было 37 гадоў.
На гады яе лідарства прыйшлося некалькі нялёгкіх выпрабаванняў. У тым ліку пандэмія Covid-19, стральба ў мячэці Крайстчэрча і вывяржэнне вулкана на востраве Уайт-Айленд.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос8
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары