15 снежня ў 19:00 на вялікай сцэне тэатра Komuna Warszawa адбудзецца спектакль «Pomìędzy/паміж» паводле тэкстаў Андрэя Хадановіча, паведамляе Reform.by.
«Спектакль на дзвюх мовах, па-польску і па-беларуску — паведамляе Андрэй Хадановіч у фэйсбуку. — Кампазітар і рэжысёр Рафал Рытэрскі, акторка Караліна Станец, відэа-сцэнаграфія Оля Олдак. Таксама зайграю, у ролі сябе самога, пачытаю трохі вершаў і заспяваю трохі песень. Будзе «На беразе Волі» і, зразумела, «Навагодняя паштоўка».
У аснове гэтага спектакля — радыёспектакль, заснаваны на тэкстах Андрэя Хадановіча і саўндтрэку, зробленым Рафалам Рытэрскім — кампазітарам, праграмістам, стваральнікам мультымедыйных праектаў. Ён прысвечаны беларускаму супраціву, палітычнаму патэнцыялу музыкі і эмігранцкаму досведу.
Праект быў створаны ў супрацоўніцтве Radio Kapital з гарадскім Домам культуры і фінансуецца горадам Варшава з фонду ўстаноў культуры.
Спектакль адбудзецца 15 снежня ў 19:00 у тэатры Komuna Warszawa (Emilii Plater, 31). Уваход вольны!
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары