«Каму належыць Крым?» Стала вядома, на якія пытанні трэба адказаць беларусам і расіянам для атрымання ДНЖ у Літве
У распараджэнні рэдакцыі «Люстэрка» аказаўся апытальнік, які неабходна запаўняць расіянам і беларусам для атрымання нацыянальнай візы Літвы і дазволаў на жыхарства гэтай краіны.
У анкеце просяць адказаць на пытанні пра адукацыю, папярэднія месцы працы, службу ў войску, дзелавых сувязях, кантактах з дзяржустановамі краін НАТА і ЕС. Таксама ёсць пытанне пра доступ да сакрэтнай інфармацыі і сувязі са службамі разведкі і бяспекі краіны паходжання або іншай дзяржавы (акрамя Літвы).
Два заключныя пытанні анкеты датычаць расійскай агрэсіі ва Украіне. У пункце 10 заяўнікам неабходна адказаць на пытанне «Ці падтрымліваеце вы ваенныя дзеянні, якія праводзяцца Расійскай Федэрацыяй на тэрыторыі Украіны?», а ў пункце 11 — «На вашую думку, каму належыць Крым?»
Нагадаем, для грамадзян Расіі і Беларусі, якія хочуць атрымаць дазвол на жыхарства ў Літве ці нават нацыянальную візу, увялі новы від праверкі. Цяпер ім трэба запаўняць спецыяльную анкету з пытаннямі пра сваё мінулае і расказаць пра сваё стаўленне да расійскай агрэсіі ва Украіне.
Інфармацыя, якую замежнік падасць у анкеце, будзе мець вырашальнае значэнне для выдачы яму дазволу на пражыванне, заявілі ў Дэпартаменце міграцыі Літвы. Калі ён адмовіцца ад запаўнення анкеты або запоўніць яе не цалкам, спецыялісты Дэпартамента міграцыі маюць права адмовіць прымаць яго заяву наогул. Калі ж звесткі акажуцца недакладнымі або высветліцца, што чалавек нешта схаваў, яму будзе адмоўлена ў выдачы дакументаў, а калі ў яго ёсць дзейны ДНЖ або нацыянальная віза, іх могуць неадкладна ануляваць.
Такое анкетаванне, на думку літоўскіх уладаў, стане дадатковым фільтрам бяспекі і дазволіць выяўляць замежнікаў, якія ў сілу сваёй мінулай дзейнасці або сувязяў з недэмакратычнымі рэжымамі могуць стаць пагрозай нацыянальнай бяспецы Літвы.
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам21
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары