Дзяржкантроль пагражае крамам суровымі мерамі за адсутнасць тавараў
Улады працягваюць верыць, што ўсе эканамічныя праблемы можна вырашыць адміністрацыйна-загаднымі метадамі. Камітэт дзяржкантролю абяцае прымаць суровыя меры за парушэнне патрабаванняў пастановы ўрада №713, піша БелТА.
Кіраўнік Камітэта дзяржаўнага кантролю Васіль Герасімаў нагадаў, што органы мясцовай улады павінны сачыць за напаўненнем паліц у крамах.
«Не дай бог, у нейкай краме нешта знікне», — падкрэсліў Герасімаў. Ён звярнуўся да гандлёвых сетак і паабяцаў «прымаць самыя суровыя меры».
Старшыня КДК пры гэтым дадаў, што ведамства сабрала ўсе звесткі адносна тых, хто скараціў пастаўкі, і па гэтым пытанні будуць разбірацца.
Каментуючы прапановы па 713-й пастанове, Герасімаў адзначыў, што многія хочуць адкаціцца на папярэдні ўзровень. Але, па ягоных словах, такога не будзе.
Раней Аляксандр Лукашэнка падкрэсліваў, што дэфіцыт магчымы толькі тады, калі ёсць недахоп прадукцыі, але Беларусь, маўляў, забяспечвае сябе прадуктамі, а таксама на некалькі мільярдаў даляраў экспартуе.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары