У Радашковічах уратавалі лебедзя, які ўрэзаўся ў лінію электраперадач
Малады лебедзь сутыкнулася з лініяй электраперадач і прызямліўся на прыватным падворку. Адбылося гэта ў пасёлку Радашковічы на вуліцы, якая знаходзіцца паблізу канала Вілейска-Мінскай воднай сістэмы. Відаць, лебедзь хацеў сесці на ваду, але ў тумане не заўважыў перашкоды. Пасля ўдару ў птушкі быў шок, самастойна ўзляцець яна не магла. Часовы прытулак няпрошанаму госцю далі мясцовыя жыхары, піша «Маладзечанская газета».
«Лебедзь — вялікая птушка, і для ўзлёту ёй трэба метраў з 30 адкрытай прасторы, — пракаментаваў сітуацыю начальнік Маладзечанскай раённай інспекцыі прыродных рэсурсаў і аховы навакольнага асяроддзя Уладзіслаў Чарноў. — У населеным пункце такой «узлётнай паласы» няма. Да таго ж пасля ўдару лебедзь быў дэзарыентаваны, магчыма, атрымаў траўму. Ён сапраўды меў патрэбу ў дапамозе».
Пасля здарэння птушку перавезлі ў спецыяльны прытулак для дзікіх жывёл. Там лебедзя будуць карміць і назіраць за ім. А калі пашкоджанняў не выявіцца, то крылатага пацыента выпусцяць назад у прыроду. Пераезд птушка перанесла спакойна.
-
Гэты архітэктар праектуе падземныя гарады для самых багатых на выпадак Трэцяй сусветнай вайны
-
Зорная беларуская інтэлектуалка пайшла на рэаліці ад ТНТ — будзе плесці інтрыгі, каб атрымаць 100 тысяч еўра
-
Дзяніс з Нясвіжа дзесяць гадоў адпрацаваў на лікёра-гарэлачным заводзе. А знайшоў сябе і найлепш стаў зарабляць як блогер Алкабард
Цяпер чытаюць
Сакратар Рады бяспекі заклікаў беларусаў устрымацца ад паездак у Расію8
Каментары