Касцёльны камітэт Чырвонага касцёла адмовіўся выносіць рэчы з памяшкання

Касцёльны Камітэт катэгарычна не пагадзіўся з пытаннем аб раптоўным скасаванні дамовы арэнды. Камітэт звяртае ўвагу, што парафія не мае ні фізічных, ні юрыдычных, ні матэрыяльных сродкаў. Таксама камітэт звяртае ўвагу на тое, што няма доступу да дакументацыі, што паралізавала юрыдычную і фінансавую дзейнасць парафіі. «Нам таксама не прадстаўлены і акт агляду памяшканняў комплекса будынкаў Чырвонага касцёла ад 3 кастрычніка. Толькі атрымаўшы неабходныя дакументы мы можам прадметна разглядаць справу і абмяркоўваць варыянты дзеянняў», — заяўляе касцёльны камітэт.

«Паколькі да гэтага дня ні прадстаўнікам касцёльнага камітэта, ні святарам, якія служаць у касцеле, ні біскупам, ні нават Мітрапаліту не была дадзена магчымасць убачыць сваімі вачыма пашкоджанні і пераканацца ў аварыйным стане касцёла (а ўзгаранне падцверджана толькі ў прыбудове да касцёла), то мы адмаўляемся выносіць рэчы з касцёла, бо лічым гэта беспадстаўным і немагчымым з вышэй азначанай прычыны». Тое, што прадстаўнікам парафіі забаронены ўваход у касцёл, а супрацоўнікам КУП «Мінская спадчына» і іншых арганізацый ён не абмежаваны, выклікае недавер і падазронасць», — заявілі ў касцельным камітэце. 

«Такім чынам, усе азначанныя пытанні не вырашаны, а парафія засталася сам на сам з пагрозай страты касцельных каштоунасцяў, а менавіта культавых рэчаў, архіваў, бібліятэкі, прыстасаванняў і механізмаў патрэбных пры ажыццяўленні штодзеннай дзейнасці касцёла. Таму мы не згодны, што на сустрэчы прадстаўнікоў Касцёла з прадстаўнікамі ўлады па справе Чырвонага касцёла 14 кастрычніка ў Мінгарвыканкаме атрымаўся «канструктыўны дыялог».

Касцёльны камітэт таксама прапанаваў зрабіць патрэбны рамонт за кошт парафіі (ахвяраванні і праца вернікаў), без прыцягнення бюджэтных сродкаў у найхутчэйшы тэрмін і адзінагалосна пастанавіў хадатайнічаць у кампетэнтныя органы аб перадачы будынка касцёла на баланс парафіі.

***

Нагадаем, што ноччу 26 верасня ў касцёле адбыўся пажар. У той жа дзень Адміністрацыя Маскоўскага раёна прыняла рашэнне часова забараніць эксплуатацыю будынка. Касцёл адключылі ад усіх камунікацый. Мінгарвыканкам заявіў, што ўладальнік будынка, КУП «Мінская спадчына», не можа выконваць абавязацельствы па дамове і запатрабаваў ад рэлігійнай абшчыны вызваліць будынак ад рухомай маёмасці для правядзення рамонтна-аднаўленчых работ.

Чытайце таксама:

Парафіянам Чырвонага касцёла выдзеляць часовае памяшканне для набажэнстваў

Улады: Чырвоны касцёл застанецца касцёлам, але цяпер трэба «канструктыўна спрацавацца»

Біскуп Касабуцкі ксяндзу Завальнюку: На здымках падаецца, што вы адзін. Але вы не адзін

Вернікам на чале з ксяндзом Уладзіславам Завальнюком сілавікі заміналі маліцца на прыступках зачыненага Чырвонага касцёла

• 17
• 0
• 0
• 0
• 0
• 0
• 3
• 0