Kaściolny kamitet Čyrvonaha kaścioła admoviŭsia vynosić rečy z pamiaškańnia

Kaściolny Kamitet kateharyčna nie pahadziŭsia z pytańniem ab raptoŭnym skasavańni damovy arendy. Kamitet źviartaje ŭvahu, što parafija nie maje ni fizičnych, ni jurydyčnych, ni materyjalnych srodkaŭ. Taksama kamitet źviartaje ŭvahu na toje, što niama dostupu da dakumientacyi, što paralizavała jurydyčnuju i finansavuju dziejnaść parafii. «Nam taksama nie pradstaŭleny i akt ahladu pamiaškańniaŭ kompleksa budynkaŭ Čyrvonaha kaścioła ad 3 kastryčnika. Tolki atrymaŭšy nieabchodnyja dakumienty my možam pradmietna razhladać spravu i abmiarkoŭvać varyjanty dziejańniaŭ», — zajaŭlaje kaściolny kamitet.

«Pakolki da hetaha dnia ni pradstaŭnikam kaściolnaha kamiteta, ni śviataram, jakija słužać u kaściele, ni biskupam, ni navat Mitrapalitu nie była dadziena mahčymaść ubačyć svaimi vačyma paškodžańni i pierakanacca ŭ avaryjnym stanie kaścioła (a ŭzharańnie padćvierdžana tolki ŭ prybudovie da kaścioła), to my admaŭlajemsia vynosić rečy z kaścioła, bo ličym heta biespadstaŭnym i niemahčymym z vyšej aznačanaj pryčyny». Toje, što pradstaŭnikam parafii zabaronieny ŭvachod u kaścioł, a supracoŭnikam KUP «Minskaja spadčyna» i inšych arhanizacyj jon nie abmiežavany, vyklikaje niedavier i padazronaść», — zajavili ŭ kaścielnym kamitecie. 

«Takim čynam, usie aznačannyja pytańni nie vyrašany, a parafija zastałasia sam na sam z pahrozaj straty kaścielnych kaštounaściaŭ, a mienavita kultavych rečaŭ, archivaŭ, biblijateki, prystasavańniaŭ i miechanizmaŭ patrebnych pry ažyćciaŭleńni štodziennaj dziejnaści kaścioła. Tamu my nie zhodny, što na sustrečy pradstaŭnikoŭ Kaścioła z pradstaŭnikami ŭłady pa spravie Čyrvonaha kaścioła 14 kastryčnika ŭ Minharvykankamie atrymaŭsia «kanstruktyŭny dyjałoh».

Kaściolny kamitet taksama prapanavaŭ zrabić patrebny ramont za košt parafii (achviaravańni i praca viernikaŭ), biez pryciahnieńnia biudžetnych srodkaŭ u najchutčejšy termin i adzinahałosna pastanaviŭ chadatajničać u kampietentnyja orhany ab pieradačy budynka kaścioła na bałans parafii.

***

Nahadajem, što nočču 26 vieraśnia ŭ kaściole adbyŭsia pažar. U toj ža dzień Administracyja Maskoŭskaha rajona pryniała rašeńnie časova zabaranić ekspłuatacyju budynka. Kaścioł adklučyli ad usich kamunikacyj. Minharvykankam zajaviŭ, što ŭładalnik budynka, KUP «Minskaja spadčyna», nie moža vykonvać abaviazacielstvy pa damovie i zapatrabavaŭ ad relihijnaj abščyny vyzvalić budynak ad ruchomaj majomaści dla praviadzieńnia ramontna-adnaŭlenčych rabot.

Čytajcie taksama:

Parafijanam Čyrvonaha kaścioła vydzielać časovaje pamiaškańnie dla nabaženstvaŭ

Ułady: Čyrvony kaścioł zastaniecca kaściołam, ale ciapier treba «kanstruktyŭna spracavacca»

Biskup Kasabucki ksiandzu Zavalniuku: Na zdymkach padajecca, što vy adzin. Ale vy nie adzin

Viernikam na čale z ksiandzom Uładzisłavam Zavalniukom siłaviki zaminali malicca na prystupkach začynienaha Čyrvonaha kaścioła

• 17
• 0
• 0
• 0
• 0
• 0
• 3
• 0