Biskup Kasabucki ksiandzu Zavalniuku: Na zdymkach padajecca, što vy adzin. Ale vy nie adzin
Uviečary 13 kastryčnika dapamožny biskup Minska-Mahiloŭskaj archidyjacezii Juryj Kasabucki adpraviŭ śviatuju imšu ab chutčejšaj bieatyfikacyi fundatara Čyrvonaha kaścioła — Edvarda Vajniłoviča i ab adnaŭleńni relihijnaha žyćcia ŭ chramie śviatych Symona i Aleny. Na liturhii sabralisia taksama vierniki hetaj parafii i ksiondz Uładzisłaŭ Zavalniuk, piša «Chryścijanskaja vizija».
Padčas nabaženstva Juryj Kasabucki skazaŭ: «Imša z nahody 175-ci hodździa naradžeńnia Vajniłoviča pavinna prynosić niejki duchoŭny ŭzdym, ale ŭ mnohich z vas na vačach ślozy. U nas balić serca ad taho, što pakul nie možam malicca ŭ tym chramie ŭ jakim pavinna była b pa łohicy adbycca heta sv. Imša. Ale Boh viedaje što robić».
Taksama jon padkreśliŭ salidarnaść śviataroŭ i biskupaŭ z parafijanami zakrytaha kaścioła:
«Ksiondz Uładzisłaŭ, na zdymkach, jakija byli apublikavany ŭčora, padajecca, što vy adzin. Ale vy nie adzin. Moža być, my nie zaŭsiody fizična z vami, ale duchoŭna my z vami. My molimsia za vas, my padtrymlivajem vas. Vy viedajecie taksama, jakija zachady robiacca ŭ hetym nakirunku».
Pavodle słoŭ Kasabuckaha:
«Čyrvony kaścioł byŭ pabudavany prodkami, kab tam hučała Božaje Słova, a nie kab jon stajaŭ z začynienymi dźviaryma na hałoŭnym placy našaha horada».
U kancy vieraśnia ŭłady skasavali damovu karystańnia Čyrvonym Kaściołam z supolnaściu «Rymska-katalickaja parafija śviatoha Symona i śviatoj Aleny». Adpaviednaje apaviaščeńnie atrymali kaścielnyja ŭłady. Da 12 kastryčnika vierniki pavinny byli pakinuć budynak.
Čytajcie taksama:
Viernikam na čale z ksiandzom Uładzisłavam Zavalniukom siłaviki zaminali malicca na prystupkach začynienaha Čyrvonaha kaścioła
Ułady zabirajuć u viernikaŭ Čyrvony kaścioł. Što budzie dalej?
-
«Vybar vialiki, ale kvietki darahija». Kolki kaštujuć napiaredadni 1 vieraśnia bukiety na Kamaroŭcy?
-
Represii zapavolvajucca ci razhaniajucca? Davajcie ličyć
-
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach
Ciapier čytajuć
Represii razhaniajucca ci zapavolvajucca? Davajcie ličyć3
Represii razhaniajucca ci zapavolvajucca? Davajcie ličyć
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach99
Kamientary