Hramadstva1111

Ułady zabirajuć u viernikaŭ Čyrvony kaścioł. Što budzie dalej?

Raskazvajem, što viadoma pra hetuju situacyju i što čakaje viernikaŭ.

U noč na 26 vieraśnia ŭ minskim kaściole śviatych Symona i Aleny adbyŭsia pažar, abstaviny jakoha dahetul niezrazumiełyja. Paśla hetaha chram, u jakim zhareła adna tolki draŭlanaja łava, začynili dla naviedvańniaŭ.

Zhodna z aficyjnaj viersijaj, pažar zdaryŭsia praz toje, što zaharełasia pravodka. Tym nie mienš, prykładna ŭ čas zdareńnia la voknaŭ kaścioła vidavočcy bačyli niejki ruch i čuli hrukat, a paźniej niekalki ź ich akazalisia raźbityja ź niezrazumiełych pryčyn. Parafijanie ličać, što nasamreč chram mahli padpalić — niechta prosta moh kinuć praz akno ŭnutr niešta zapalvalnaje. Nie mienš dziŭnym było i toje, što budynak całkam začynili paśla pažaru, chacia možna było abharadzić pamiaškańnie, dzie adbyłosia zdareńnie, i dalej karystacca chramam.

Jak raskazali «Našaj Nivie» ŭ pracoŭnaj hrupie «Chryścijanskaja vizija», za čas, što minuŭ z pažaru, u chramie prachodziła pravierka MNS. Nakolki abjektyŭnaja heta pravierka — pytańnie. Tak ci inakš,

supracoŭniki MNS pryznali, što kaścioł znachodzicca ŭ avaryjnym stanie i patrabuje ramontu, i z hetaj nahody ciapier zabirajuć kaścioł u viernikaŭ. Sprava ŭ tym, što budynak aficyjna naležyć dziaržavie, a parafija karystajecca im na asnovie damovy biazvypłatnaha karystańnia.

U 2013 hodzie budynak kaścioła byŭ zamacavany za KUP «Minskaja spadčyna». Z 2019 hoda, to-bok paśla zakančeńnia rekanstrukcyi chrama, hetaja arhanizacyja naličvała kaściołu rachunki na amartyzacyju, ziamielny padatak i kamunałku, sama ž parafija ličyła patrabavańni dziaržavy niespraviadlivymi, bo kultavyja budynki mohuć być vyzvalenyja ad padatkaŭ. Na 2021 hod pamier doŭhu kaścioła pierad «Minskaj spadčynaj» składaŭ 350 tysiač rubloŭ, i mienavita hetaja arhanizacyja ciapier apaviaściła viernikaŭ ab skasavańni damovy karystańnia.

Pa infarmacyi «Chryścijanskaj vizii», ad parafii ciapier patrabujuć na praciahu niekalkich dzion zabrać majomaść z chrama.

Tym nie mienš, vierniki rychtujuć svoj adkaz i spadziavajucca, što ŭsio atrymajecca vyrašyć. Kali ž nie, to inšaha pamiaškańnia dla malitvaŭ u parafijan ciapier niama, a malicca na vulicy im naŭrad ci dazvolać: takaja vuličnaja malitva skončyłasia dla pastaraŭ Viačasłava Hančarenki i Antonija Bokuna vialikimi štrafami.

Ciapier mnohaje zaležyć ad taho, jak paviaduć siabie vierniki, prychod, kiraŭnictva kaścioła, Vatykan i ŭsio biełaruskaje hramadstva. 

Ksiondz Viačasłaŭ Barok rezka adreahavaŭ na navinu pra toje, što chram zabirajuć u viernikaŭ.

«Režym dalej macaje linii, dzie prachodzić miaža dazvolenaha i dakul biełarusy buduć ciarpieć biezzakońnie. Pasiahnieńnie na budynak kaścioła było pradkazalnym, dalej možam čakać jašče bolš masavych represij duchavienstva».

Čytačka «Našaj Nivy» dazvaniłasia ŭ pryjomnuju ŭpaŭnavažanaha pa pytańniach relihij pry Minharvykankamie, ale tam joj nie zmahli adkazać, što adbyvajecca z kaściołam. Žančynu zapeŭnili, što chram chutka adkryjecca.

Pradstaŭnik Vatykana ŭ Biełarusi, Apostalski Nuncyj Ante Jozič užo zajmajecca situacyjaj z Kaściołam śviatych Symona i Aleny, piša «Zierkała».

«Kaniečnie, situacyja składanaja, i, kaniečnie, jaho ekscelencyja hetym zajmajecca», — adkazali na pytańni viernikaŭ, jakija patelefanavali ŭ nuncyjaturu.

«Naša Niva» — bastyjon biełaruščyny

PADTRYMAĆ

«Bačyli praz šybu ahoń i śpiecyjalna vybili». Dziŭny pažar u Čyrvonym kaściole. I čamu chram zakryli?

Supracoŭniki MNS katalikam z Čyrvonaha kaścioła: «Našy zvyčajna nie raźbivajuć voknaŭ padčas pažaru»

Kamientary11

  • Abu
    06.10.2022
    Cybulinki na Domie kino buduć hladziecca prevaschodna!
  • daviedka
    06.10.2022
    Chram otdadut v polzovanije členam siekty śviatoho Łuki, kotoryje každyj hod v eto vriemia provodiat svoi strannyje sataninskije obriady to po sboru miešočkov s ziernom, to šiestierionok...
  • Pavieł
    06.10.2022
    U Biełarusi va uładzie sataninski režym, jak i na Rasii. A katalicki kaścioł nie padparabkoŭvajecca satanie, tamu i zabrali. Heta treba razumieć.

Ciapier čytajuć

Słova «Unavatuna» značyć «raj». Dzie na Šry-Łancy adpačyvała Mielnikava13

Słova «Unavatuna» značyć «raj». Dzie na Šry-Łancy adpačyvała Mielnikava

Usie naviny →
Usie naviny

Ekskursavodaŭ i hidaŭ abaviazali viedać asnovy ideałohii, jakija zaćvierdziŭ Łukašenka7

U DTZ u Čavuskim rajonie zahinuli try čałavieki

Na Kamaroŭcy ŭ Minsku pačali pradavać pieršuju maładuju biełaruskuju bulbu7

Brytaniec, jaki adsiadzieŭ 38 hadoŭ u turmie za zabojstva, vyjšaŭ na volu: jon akazaŭsia nievinavatym1

Na Kanskim fiestyvali zabaranili «hołyja» sukienki2

Kobrynski błohier pakazaŭ, jak vyrablajucca lehiendarnyja «Miasnyja padušački»9

U biełarusa, što niekalki dzion tamu z pahoniaj zatrymlivali ŭ centry Varšavy, znajšli kiłahramy narkotykaŭ9

«Ekanamičnaja hazieta» spyniła isnavańnie3

Maładych mazyrskich skinchedaŭ z «Ducha Rusi» buduć sudzić za «prapahandu teraryzmu»8

bolš čytanych navin
bolš łajkanych navin

Słova «Unavatuna» značyć «raj». Dzie na Šry-Łancy adpačyvała Mielnikava13

Słova «Unavatuna» značyć «raj». Dzie na Šry-Łancy adpačyvała Mielnikava

Hałoŭnaje
Usie naviny →

Zaŭvaha:

 

 

 

 

Zakryć Paviedamić