Supracoŭniki MNS katalikam z Čyrvonaha kaścioła: «Našy zvyčajna nie raźbivajuć voknaŭ padčas pažaru»
U noč na 26 vieraśnia ŭ minskim kaściole Symona i Aleny zdaryŭsia pažar, paśla jakoha chram začynili. U siecivie raspaŭsiudzilisia foty šybaŭ kaścioła, raźbitych nibyta ad udaru. Ci moža heta značyć, što śviatyniu padpalili?
Čytajcie bolš: «Bačyli praz šybu ahoń i śpiecyjalna vybili». Dziŭny pažar u Čyrvonym kaściole. I čamu chram zakryli?
«Naša Niva» praciahvaje źbirać infarmacyju, što ž zdaryłasia ŭ minskim kaściole Śviatych Symona i Aleny.
Paśla našaj pieršaj publikacyi nam udałosia pahavaryć jašče z adnym parafijaninam. Voś što jon raskazaŭ.
Kali ŭ kaścioł pryjazdžała milicyja, supracoŭnica chrama spytałasia ŭ ich, čamu vokny raźbityja. Siłaviki zamialisia i paraili žančynie źviarnucca z hetym ža pytańniem da supracoŭnikaŭ Ministerstva pa nadzvyčajnych situacyjach.
Supracoŭniki ministerstva, u svaju čarhu, adkazali: «Našy zvyčajna nie raźbivajuć voknaŭ padčas pažaru, kab nie było prytoku kisłarodu da ahniu, kab uzharańnie ŭ vyniku hetaha nie ŭzmacniałasia».
Nahadajem, što vierniki raskazali «Našaj Nivie» raniej, što vartaŭnica adamknuła dźviery ŭ chram, tamu rataŭniki mieli dostup da miesca hareńnia.
Inšy čałaviek paviedamiŭ, što achoŭniki z budynka nasuprać kaścioła bačyli ŭ noč pažaru niezvyčajnaje — nibyta niechta kruciŭsia la kaścioła jašče da taho, jak tudy pryjechali supracoŭniki MNS. U hetym budynku, jak i ŭ samim kaściole, milicyja zabrała zapisy kamier videanazirańnia.
«Naša Niva» — bastyjon biełaruščyny
PADTRYMAĆNa Viciebščynie nie zastałosia rajcentraŭ, u jakich niama stałaha katalickaha chrama. Aśviacili kaścioł u Siańnie FOTY
Ciapier čytajuć
Śvieckaje žyćcio Darji Šmanaj: dni naradžeńnia dziaciej Kirkorava i Comedy Club2
Kamientary