Старшыня Нарвежскага Нобелеўскага камітэта заклікала беларускія ўлады вызваліць Бяляцкага з турмы
Алесь Бяляцкі стаў чацвёртым чалавекам, які атрымаў Нобелеўскую прэмію міру, знаходзячыся ў турме або пад вартай.
Старшыня Нарвежскага Нобелеўскага камітэта, які прысуджае Нобелеўскую прэмію міру, спадарыня Берыт Рэйс-Андэрсан адзначыла: дзякуючы сваім паслядоўным намаганням на карысць чалавечых каштоўнасцей, антымілітарызму і прынцыпаў права, «сёлетнія лаўрэаты аднавілі і ўшанавалі бачанне міру і братэрства паміж народамі Альфрэда Нобеля — бачанне, якое сёння найбольш патрэбнае ў свеце».
Яна таксама заклікала беларускія ўлады вызваліць Алеся Бяляцкага з турмы, каб ён мог прыехаць у Осла і асабіста прыняць узнагароду.
Камітэт выказаў спадзяванні, што прэмія падыме баявы дух праваабаронцы.
Сёння стала вядома, што беларускі праваабаронца Алесь Бяляцкі атрымаў Нобелеўскую прэмію міру. Цяпер ён знаходзіцца за кратамі, як і многія іншыя беларускія праваабаронцы.
Цяпер чытаюць
Даішнік, якога збіў машынай пенсіянер пад Мінскам, памёр у бальніцы. Яму зладзілі пышнае пахаванне18
Каментары