Сёння ў дэакупаваным горадзе Ліман афіцыйна паднялі сцяг Украіны. Кіраўнік Данецкай абласной вайсковай адміністрацыі адзначыў, што акупанты пакідаюць пасля сябе руіны, але знішчаныя гарады адновяць.
«Афіцыйна паднялі ўкраінскі сцяг над вызваленым Ліманам. Камандуючы Сухапутных войскаў УСУ генерал-палкоўнік Аляксандр Сырскі перадаў ад вайскоўцаў у Данецкую абласную вайсковую адміністрацыю паўнамоцтвы па наладжванні далейшага жыцця ў вызваленых населеных пунктах», — напісаў кіраўнік Данецкай АВА Павел Кірыленка.
Цяпер у Лімане пачынаюць з наладжвання лагістыкі, завозу гуманітарнай дапамогі, выдачы пенсій. Кірыленка зазначыў, што жыхарам, якія эвакуяваліся, вяртацца ў вызваленыя населеныя пункты яшчэ рана.Ён растлумачыў гэта тым, што цяпер ідзе маштабная работа па размініраванні, а наперадзе няпростая зіма, перажыць якую будзе вельмі цяжка.
Цяпер чытаюць
Дзевяць чалавек памерлі ў Брэсце і Мінску — усім ім уводзілі адныя і тыя ж лекі. У прэпараце знайшлі бактэрыі5
Каментары