На нядаўняй нарадзе па сацыяльна-эканамічных пытаннях Аляксандр Лукашэнка абурыўся цэнамі на аўтамабілі Geely. Ужо на наступны дзень цэны «адкруцілі». Параўналі, колькі Geely каштавалі да разносу ад Лукашэнкі, а колькі цяпер.
Па тое, што цана на машыны ўпала на 15%, дзяржаўныя каналы паведамілі ўчора.
Калі мы ўвечары патэлефанавалі ў адзін з цэнтраў продажаў, там, падобна, былі разгубленыя. На пытанне пра цану не ведалі, што адказаць, і прасілі павісець на провадзе.
Цэны на сайтах памянялі толькі сёння.
«Спецыяльная прапанова на ўвесь мадэльны шэраг», — анансуюць дылерскія цэнтры.
Трэба сказаць, што беларуска-кітайскія аўтамабілі маркі Geely першапачаткова не з'яўляюцца танным таварам, прынамсі, тыя мадэлі, што ёсць на бягучы момант у продажы. На выбар прапануюць тры паркетнікі.
Самы танны з іх — Coolray. Да нядаўняга часу цэны на яго пачыналіся з адзнакі 74300 рублёў (каля 28575$). Пасля анансаванага патаннення Coolray каштуе ад 62815 рублёў (каля 24150$). Як бачым, аўтамабіль скінуў у цане адразу 15,4%.
Наступным ідзе Geely Atlas Pro, да нарады яго прадавалі па цане ад 87400 рублёў (каля 33600$). Цяпер пазадарожнік у самай простай камплектацыі каштуе 74950 рублёў (каля 28800$). Гэта таксама мінус 15,4% ад папярэдняй цаны.
Самая дарагая з мадэляў Geely, якія ёсць у продажы ў Беларусі, — Tugella. Раней яна была даступная па цэнах ад 108800 рублёў (каля 41850$). З дысконтам прадаюць па 92140 рублёў (каля 34400$).
Аднак дысконт не адмяняе таго, што цэны на беларуска-кітайскія аўто ўсё адно далёкія ад «народных». Бо самая танная з іх каштуе ад 24 тысячы даляраў.
Чытайце таксама:
«Цэны выраслі на 30—50%, новыя машыны практычна не пастаўляюць». Што адбываецца на аўтарынку
Беларусы застануцца без новых Volkswagen?
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1212
Каментары